ទូរទស្សន៍រដ្ឋ បានរាយការណ៍នៅថ្ងៃព្រហស្បតិ៍នេះថា ប្រទេសអ៊ីរ៉ង់ បានចាប់ផ្តើមសមយុទ្ធយោធាលើកដំបូងរបស់ខ្លួន ចាប់តាំងពីការបញ្ចប់សង្គ្រាមរយៈពេល ១២ថ្ងៃ ជាមួយអ៊ីស្រាអែល ជាមួយនឹងនាវាកងទ័ពជើងទឹក បានបាញ់មីស៊ីលទៅកាន់គោលដៅនៅសមុទ្រ ក្នុងឈូងសមុទ្រអូម៉ង់ និងមហាសមុទ្រឥណ្ឌា។

ខណៈពេលដែលសមយុទ្ធបែបនេះ ត្រូវបាធ្វើជាទម្លាប់ នៅក្នុងសាធារណរដ្ឋឥស្លាម សមយុទ្ធ            «Sustainable Power 1404» កើតឡើង នៅពេលដែលអាជ្ញាធរក្នុងប្រទេសអ៊ីរ៉ង់ កំពុងព្យាយាមដាក់ពង្រាយកម្លាំង បន្ទាប់ពីមានសង្រ្គាមដែលបានឃើញអ៊ីស្រាអែលបំផ្លាញប្រព័ន្ធការពារដែនអាកាស និងរោងចក្រគ្រាប់បែកនុយក្លេអ៊ែរ និងកន្លែងផ្សេងទៀត។

របាយការណ៍របស់ទូរទស្សន៍រដ្ឋ បានបញ្ជាក់ថា នាវាកងទ័ពជើងទឹក នឹងបាញ់មីស៊ីលតម្រង់គោលដៅ ទៅលើគោលដៅដែលបានកំណត់ និងប្រើប្រាស់យានដ្រូន នៅលើទឹកបើកចំហ។ ទូរទស្សន៍នេះ មិនបានចេញផ្សាយវីដេអូពីការធ្វើសមយុទ្ធភ្លាមៗនោះទេ។

កងទ័ពជើងទឹករបស់អ៊ីរ៉ង់ ដែលត្រូវបានប៉ាន់ប្រមាណថា មានបុគ្គលិកប្រហែល ១៨.000នាក់ ជាក់ស្តែងបានជៀសវាងការវាយប្រហារទ្រង់ទ្រាយធំណាមួយ ក្នុងអំឡុងពេលសង្រ្គាមខែមិថុនា។

កងទ័ពជើងទឹក ដែលមានមូលដ្ឋានចេញពីទីក្រុងកំពង់ផែ Bandar Abbas ល្បាតឈូងសមុទ្រអូម៉ង់ មហាសមុទ្រឥណ្ឌា និងសមុទ្រកាព្យែន( Caspian Sea,) ហើយចាកចេញពីឈូងសមុទ្រអារ៉ាប់ និងមាត់តូចចង្អៀតរបស់វា គឺច្រក Hormuz ទៅកាន់មូលដ្ឋានកម្លាំងយោធាប៉ារ៉ារបស់កងឆ្មាំបដិវត្តន៍អ៊ីរ៉ង់។