ក្រសួងការបរទេស និងរតនាគារអាមេរិក បាននិយាយថា សហរដ្ឋអាមេរិក កំពុងដាក់ទណ្ឌកម្មលើតំណាង៤រូបទៀតរបស់តុលាការឧក្រិដ្ឋកម្មអន្តរជាតិ (ICC)។

យោងតាមរដ្ឋមន្ត្រីការបរទេសអាមេរិកលោក Marco Rubio ទណ្ឌកម្ម ត្រូវបានដាក់លើចៅក្រម លោក ស្រី Kimberly Prost (កាណាដា) និងលោក Nicolas Guillou (បារាំង) ក៏ដូចជារដ្ឋអាជ្ញារងលោកស្រី Shamim Khan (ហ្វីជី) និងលោក Mam Mandiaye Niang (សេណេហ្គាល់) ជុំវិញការប៉ុនប៉ងស៊ើបអង្កេតលើសកម្មភាពរបស់ពលរដ្ឋអាមេរិក ឬអ៊ីស្រាអែល ចាប់ខ្លួន ឬឃុំខ្លួនពួកគេ និងនាំពួកគេឡើងតុលាការ ដោយគ្មានព្រមព្រៀងពីរដ្ឋាភិបាលនៃប្រទេសទាំងពីរ។ 

លោកបានពណ៌នា តុលាការ ICC ជាស្ថាប័នក្ស័យធន។

រដ្ឋបាលអាមេរិកបច្ចុប្បន្ន ដឹកនាំដោយលោកប្រធានាធិបតី ដូណាល់ ត្រាំ ( Donald Trump) បានដាក់ទណ្ឌកម្មលើតុលាការ ICC ជាច្រើនដងរួចមកហើយ។

លោក ត្រាំ បានចុះហត្ថលេខាលើក្រឹត្យដាក់ទណ្ឌកម្មប្រឆាំងនឹងមន្ត្រី ICC កាលពីថ្ងៃទី ០៦ ខែកុម្ភៈ។ រដ្ឋាភិបាលអាមេរិក បានចោទប្រកាន់តុលាការ ICC ពីបទប្រព្រឹត្តខុសចំពោះទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួន ដូចជាអ៊ីស្រាអែលជាដើម។