បណ្តុំទិន្នន័យសម្ងាត់របស់យោធាអ៊ីស្រាអែល បង្ហាញថា ភាគច្រើននៃពលរដ្ឋប៉ាឡេស្ទីន ដែលត្រូវបានសម្លាប់នៅតំបន់ហ្កាហ្សាគឺជាជនស៊ីវិល។

តួលេខដែលត្រូវបានពិនិត្យឡើងវិញដោយសារព័ត៌មាននានា បានបង្ហាញកាលពីថ្ងៃព្រហស្បតិ៍ថា គិតត្រឹមខែឧសភា ឆ្នាំ២០២៥ រយៈពេល១៩ខែក្នុងសង្រ្គាមរបស់អ៊ីស្រាអែលលើតំបន់ហ្កាហ្សា ចារកម្មយោធាអ៊ីស្រាអែលបានចុះបញ្ជីអ្នកប្រយុទ្ធចំនួន៨.៩០០នាក់មកពីក្រុមហាម៉ាស និងក្រុមជីហាតអ៊ីស្លាមនិយមប៉ាឡេស្ទីន ត្រូវបានបញ្ជាក់ ឬប្រហែលជាបានស្លាប់។

ក្នុងរយៈពេលដូចគ្នានេះ អាជ្ញាធរសុខាភិបាលតំបន់ហ្កាហ្សាបានកត់ត្រាអ្នកស្លាប់យ៉ាងហោចណាស់ ៥៣.០០០នាក់ពីការវាយប្រហាររបស់អ៊ីស្រាអែល មានន័យថាអ្នកប្រយុទ្ធមានចំនួនត្រឹមតែ១៧ភាគរយ ដោយមានជនស៊ីវិលប្រហែល៨៣ភាគរយនៃចំនួនអ្នកស្លាប់សរុប។

ក្រុមសិទ្ធិមនុស្ស និងអ្នកស្រាវជ្រាវអំពើប្រល័យពូជសាសន៍ បានអះអាងពីការរកឃើញនេះ និងបញ្ជាក់ពីការគាំទ្របន្ថែមទៀតថា អ៊ីស្រាអែលកំពុងប្រព្រឹត្តអំពើប្រល័យពូជសាសន៍នៅតំបន់ហ្កាហ្សា ដោយចង្អុលបង្ហាញទៅរកអ្នកស្លាប់ជាជនស៊ីវិលយ៉ាងច្រើន រួមជាមួយនឹងការបង្កភាពអត់ឃ្លានដោយចេតនា។

អ្នកនយោបាយអ៊ីស្រាអែល និងមេដឹកនាំយោធា បានបង្កើនចំនួនអ្នកប្រយុទ្ធដែលបានស្លាប់ ដោយពេលខ្លះអះអាងថា អ្នកប្រយុទ្ធរហូតដល់២០.០០០នាក់ត្រូវបានសម្លាប់។