របាយការណ៍ស្រាវជ្រាវមួយពីវិទ្យាស្ថានស៊ីនហួ របស់ប្រទេសចិន បានបង្ហាញកាលពីថ្ងៃព្រហស្បតិ៍ (២១ សីហា) ថា សកម្មភាពមិនទទួលខុសត្រូវរបស់ប្រទេសមួយចំនួនបានធ្វើឱ្យជម្លោះសមុទ្រចិនខាងត្បូងកាន់តែខ្លាំងក្លាឡើង ដោយតតាំងនឹងសណ្តាប់ធ្នាប់អន្តរជាតិក្រោយសង្គ្រាម។

របាយការណ៍នេះមានចំណងជើងថា "មូលដ្ឋានប្រវត្តិសាស្ត្រ និងច្បាប់នៃអធិបតេយ្យភាពដែនដី និងសិទ្ធិដែនសមុទ្ររបស់ចិន នៅសមុទ្រចិនខាងត្បូង" ដែលចេញផ្សាយដោយស្ថាប័នស្រាវជ្រាវដែលមានទំនាក់ទំនងជាមួយទីភ្នាក់ងារព័ត៌មានរដ្ឋចិន ស៊ីនហួ។

យោងតាមរបាយការណ៍នោះបានឱ្យដឹងថា ចាប់តាំងពីឆ្នាំ២០២០មក ហ្វីលីពីន ដែលគម្លើនជាងគេ និងគាំទ្រដោយមហាអំណាចមិនមែនក្នុងតំបន់ បានប្រជែងនឹងកិច្ចខិតខំរបស់ចិន ដើម្បីការពារសិទ្ធិស្របច្បាប់នៅក្នុងសមុទ្រចិនខាងត្បូង តាមរយៈយុទ្ធសាស្ត្រ "តំបន់ពណ៌ប្រផេះ" របស់ខ្លួន។

របាយការណ៍និយាយថា៖ សកម្មភាពដែលមិនទទួលខុសត្រូវរបស់បណ្តាប្រទេសដូចជាហ្វីលីពីននេះហើយ បានបង្កើនជម្លោះសមុទ្រចិនខាងត្បូងដល់កម្រិតមួយជិត "ប្រតិបត្តិការយោធាពាក់កណ្តាល" ថែមទាំងជំរុញឱ្យស្ថានការណ៍ឈានដល់កម្រិតជម្លោះ ឬសង្រ្គាមទៀតផង។

របាយការណ៍សង្កត់ធ្ងន់ថា សកម្មភាពទាំងឡាយរបស់កងកម្លាំងខាងក្រៅក្នុងការលាបពណ៌ និងទប់ស្កាត់ប្រទេសចិន បានឆ្លុះបញ្ចាំងពីចក្ខុវិស័យយុទ្ធសាស្ត្រលោកខាងលិចសម័យទំនើប ដែលផ្តោតលើការចូលចិត្តដណ្តើម និងបន្តអនុត្តរភាព៕