ចក្រភពអង់គ្លេស និងបារាំង ស្ថិតក្នុងចំណោមអន្តរជាតិចំនួន ២១ប្រទេស ដែលចុះហត្ថលេខាលើសេចក្តីថ្លែងការណ៍រួមមួយកាលពីថ្ងៃព្រហស្បតិ៍ (២១ សីហា) រិះគន់ការអនុម័តរបស់អ៊ីស្រាអែល ចំពោះផែនការតាំងទីលំនៅដ៏សំខាន់ឈ្មោះថា គម្រោងអភិវឌ្ឍ E1 នៅតំបន់កាន់កាប់ West Bank ថាជារឿង “មិនអាចទទួលយកបានឡើយ និងរំលោភលើច្បាប់អន្តរជាតិ”។

អ៊ីស្រាអែល នៅថ្ងៃទី២០ ខែសីហា បានអនុម័តផែនការសម្រាប់ផ្ទៃដីប្រហែល ១២គីឡូម៉ែត្រក្រឡា ដែលត្រូវគេស្គាល់ថា E1 នៅភាគខាងកើតទីក្រុងហ្សេរុយសាឡម។ សេចក្តីថ្លែងការណ៍របស់បណ្ដារដ្ឋមន្ត្រីការបរទេស ដែលក៏រួមមានអូស្ត្រាលី កាណាដា និងអ៊ីតាលី ផងដែរនោះបាននិយាយថា "គ្រប់គ្នារិះគន់ការសម្រេចចិត្តនេះ ហើយអំពាវនាវឱ្យមានការផ្លាស់ប្តូរភ្លាមៗនៅក្នុងលក្ខខណ្ឌដ៏ខ្លាំងក្លាបំផុត"។

សេចក្តីថ្លែងការណ៍នោះបានកត់សម្គាល់ថា រដ្ឋមន្ត្រីហិរញ្ញវត្ថុស្តាំនិយមជ្រុលរបស់អ៊ីស្រាអែល លោក Bezalel Smotrich បាននិយាយថា ផែនការនេះ "នឹងធ្វើឱ្យដំណោះស្រាយរដ្ឋពីរ មិនអាចទៅរួច ដោយការពុះបំបែកទឹកដីដែលប៉ាឡេស្ទីនស្វះស្វែងបង្កើតរដ្ឋមួយ និងរឹតបន្តឹងការចូលរបស់ជនប៉ាឡេស្ទីន ទៅកាន់ក្រុងហ្សេរុយសាឡិម"។

ផែនការនេះនឹងមើលឃើញការសាងសង់ផ្ទះលំនៅឋានប្រហែល ៣.៤០០ខ្នង នៅលើទឹកដីដ៏រសើបបំផុត ស្ថិតនៅចន្លោះក្រុងហ្សេរុយសាឡិម និងទីតាំងទីលំនៅរបស់អ៊ីស្រាអែល គឺក្រុង Maale Adumim ។ ទីតាំងលំនៅរបស់អ៊ីស្រាអែលទាំងអស់នៅតំបន់ West Bank — ដែលរងការកាន់កាប់តាំងពីឆ្នាំ១៩៦៧មក— ត្រូវចាត់ទុកថាខុសច្បាប់អន្តរជាតិ ទោះមានការអនុញ្ញាតឬអត់ក៏ដោយ៕