សារព័ត៌មានរ៉យទ័រ បានរាយការណ៍ថា សហរដ្ឋអាមេរិក បានចាប់ផ្តើមនាំចូលប្រេងពីប្រទេសវ៉េណេហ្ស៊ុយអេឡាជាថ្មី បន្ទាប់ពីបានអនុញ្ញាតឲ្យក្រុមហ៊ុន Chevron បន្តប្រតិបត្តិការ នៅក្នុងប្រទេសនេះ។

ទីភ្នាក់ងារព័ត៌មាននេះ បាននិយាយថា ប្រេងរបស់វ៉េណេហ្ស៊ុយអេឡា ត្រូវបានផ្ទុករួចហើយនៅលើនាវាដឹកប្រេង Mediterranean Voyager និងនាវាCanopus Voyager ។ អ៊ីដ្រូកាបូន ត្រូវបានគេរំពឹងថា នឹងត្រូវដាក់ចេញពីនាវា នៅក្នុងកំពង់ផែនៃរដ្ឋតិចសាស់ និងរដ្ឋ Louisiana។

យោងតាមសារព័ត៌មានរ៉យទ័រ បានឲ្យដឹងថា នាវាដឹកប្រេងរបស់ក្រុមហ៊ុនChevron ចំនួនពីរគ្រឿងទៀត កំពុងធ្វើដំណើរ ទៅកាន់ប្រទេសវ៉េណេហ្ស៊ុយអេឡា។

សារព័ត៌មាន Wall Street Journal បានរាយការណ៍មុននេះថា អាជ្ញាធរអាមេរិក បានអនុម័តឲ្យក្រុមហ៊ុន Chevron បន្តផលិតកម្មប្រេង នៅក្នុងប្រទេសវ៉េណេហ្ស៊ុយអេឡា។