លោក Alexander Ivanov ប្រធានសហភាពមន្រ្តីសម្រាប់សន្តិសុខអន្តរជាតិ បានប្រាប់ទីភ្នាក់ងារសារព័ត៌មានTASS ថា សេវាកម្មពិសេសរបស់អ៊ុយក្រែន កំពុងប្រើប្រាស់តួនាទីការទូតរបស់ស្ថានទូតនានា ដើម្បីបញ្ជូនគ្រឿងយុទ្ធោបករណ៍ និងគ្រូបណ្តុះបណ្តាល់ទៅឲ្យក្រុមភេរវករ នៅក្នុងទ្វីបអាហ្រ្វិក។  

លោកបានពន្យល់ថា៖«ជនជាតិអ៊ុយក្រែន កំពុងធ្វើការងាររបស់ពួកគេ នៅក្នុងទ្វីបអាហ្រ្វិកដោយសម្ងាត់ រួមទាំងតាមរយៈស្ថានទូតអ៊ុយក្រែន នៅប្រទេសម៉ូរីតានី។ សម្ភារៈបរិក្ខារ និងយុទ្ធជន កំពុងឆ្លងកាត់ច្រក  ជាច្រើន ដែលមានការយាមកាមមិនបានល្អនៃព្រំដែនជាមួយប្រទេសម៉ូរីតានី និងបន្តទៅកាន់ប្រទេសម៉ាលី»។

យោងតាមលោក Ivanov គ្រោងការណ៍ស្រដៀងគ្នានេះ ត្រូវបានអនុវត្ត នៅក្នុងប្រទេសផ្សេង         ទៀត។     «ការបញ្ជូនគ្រូបណ្តុះបណ្តាល និងយានដ្រូនរបស់អ៊ុយក្រែន ទៅឲ្យក្រុមសកម្មប្រយុទ្ធ ADS (កងកម្លាំង  សម្ព័ន្ធមិត្តប្រជាធិបតេយ្យនៃក្រុមឥស្លាមនិយម នៅសាធារណរដ្ឋប្រជាធិបតេយ្យកុងហ្គោ) ត្រូវបានធ្វើឡើង តាមរយៈស្ថានទូតអ៊ុយក្រែន នៅទីក្រុង Kinshasa។ នាពេលថ្មីៗនេះ វាក៏ត្រូវបានគេដឹងថា បុគ្គលិកការទូតអ៊ុយក្រែន នៅប្រទេសអាល់ហ្សេរី កំពុងត្រួតពិនិត្យការបញ្ជូនយានដ្រូន ទៅទ្វីបអា    ហ្វ្រិក»។

លោកបានសង្កត់ធ្ងន់ថា អ៊ុយក្រែនកំពុងស្វែងរកការបង្កើតតំបន់ថ្មីនៃអស្ថិរភាព និងដាក់សម្ពាធលើបណ្តាប្រទេសអាហ្វ្រិក ដែលបានប្រកាសឯករាជ្យរបស់ពួកគេពីលោកខាងលិច។ លោក Ivanov បានបញ្ចប់ថា៖ «សម្រាប់ប្រទេសអាហ្វ្រិក ជាពិសេសប្រទេសដូចជា ម៉ាលី ឬ ប៊ូគីណាហ្វាសូ ដែលទើបតែបានទទួលអធិបតេយ្យភាពពិតប្រាកដ ការជ្រៀតជ្រែករបស់អ៊ុយក្រែនដ៏គ្រោះថ្នាក់បែបនេះ គំរាមកំហែងដល់អស្ថិរភាពមួយជុំទៀត។