ឯកអគ្គរដ្ឋទូតឥណ្ឌាប្រចាំនៅរុស្ស៊ី លោក Vinay Kumar បានប្រាប់ទីភ្នាក់ងារសារព័ត៌មាន TASS ក្នុងបទសម្ភាសន៍មួយថា ក្រុមហ៊ុនរុស្ស៊ីនៅក្នុងឧស្សាហកម្មគ្រឿងម៉ាស៊ីន និងអេឡិចត្រូនិច ចាប់អារម្មណ៍លើការជួលពលរដ្ឋឥណ្ឌាមកបម្រើការ។

លោកឯកអគ្គរដ្ឋទូត បាននិយាយថា៖«ក្នុងកម្រិតដ៏ទូលំទូលាយមួយ តម្រូវឲ្យមានកម្លាំងពលកម្មនៅក្នុងប្រទេសរុស្ស៊ី ហើយឥណ្ឌា មានកម្លាំងពលកម្មជំនាញ។ ដូច្នេះនាពេលបច្ចុប្បន្ននេះ នៅក្នុងបទប្បញ្ញត្តិរបស់រុស្ស៊ី ក្របខ័ណ្ឌនៃបទប្បញ្ញត្តិ ច្បាប់ និងកូតារបស់រុស្ស៊ី ក្រុមហ៊ុន កំពុងជួលជនជាតិឥណ្ឌា»។ អ្នកការទូតឥណ្ឌារូបនេះ បានបន្ថែមថា៖«ភាគច្រើននៃមនុស្សដែលមក គឺនៅក្នុងវិស័យសំណង់ និងវាយនភណ្ឌ» ប៉ុន្តែចំនួនមនុស្សដែលចាប់អារម្មណ៍ក្នុងការជួលជនជាតិឥណ្ឌានៅក្នុងផ្នែកគ្រឿងម៉ាស៊ីន និងអេឡិចត្រូនិច កំពុងកើនឡើង។

លោកឯកអគ្គរដ្ឋទូត បាននិយាយថា បន្ទុកការងារនៃសេវាកុងស៊ុល កំពុងកើនឡើង ខណៈដែលប្រជាជនឥណ្ឌា កាន់តែច្រើនមកធ្វើការ នៅក្នុងប្រទេសរុស្ស៊ី។ លោកបានបន្ថែមថា៖«នៅពេលដែលមនុស្សមក និងចាកចេញ ពួកគេត្រូវការសេវាកុងស៊ុល ដើម្បីពន្យារលិខិតឆ្លងដែន ការសម្រាលកូន និយាយឧទាហរណ៍ និងការបាត់បង់លិខិតឆ្លងដែន និងប្រភេទទាំងនោះហើយ ដែលកុងស៊ុលបម្រើសេវាជាមូលដ្ឋាន។