ប្រធានាធិបតីថ្មីរបស់កូរ៉េខាងត្បូង លោក Lee Jae-myung នឹងប្រឈមពេលវេលាដ៏សំខាន់មួយនៅថ្ងៃចន្ទ ២៥ សីហានេះ នៅពេលលោក ជួបប្រធានាធិបតីសហរដ្ឋអាមេរិក លោក Donald Trump ក្នុងទីក្រុងវ៉ាស៊ីនតោន សម្រាប់កិច្ចប្រជុំកំពូលលើកដំបូងរបស់មេដឹកនាំទាំងពីរ ខណៈសម្ព័ន្ធភាពមានអាយុកាលរាប់ទសវត្សរ៍របស់ប្រទេសទាំងពីរ កំពុងប្រឈមការផ្លាស់ប្តូរភូមិសាស្ត្រនយោបាយយ៉ាងឆាប់រហ័ស។     

ការផ្លាស់ប្តូរភូមិសាស្ត្រនយោបាយភាគច្រើនកំពុងគ្របដណ្ដប់លើកិច្ចប្រជុំសម្រាប់លោក Lee ដែលបានចូលកាន់តំណែងកាលពីខែមិថុនា បន្ទាប់ពីការបោះឆ្នោតមុនអាណត្តិមួយ ដែលត្រូវបានអំពាវនាវឡើងបន្ទាប់ពីអ្នកកាន់តំណែងមុននៃក្រុមអភិរក្សនិយមរបស់លោក ដែលងាកទៅរកទីក្រុងវ៉ាស៊ីនតោនខ្លាំងសម្រាប់ការប្រកាន់ជំហររឹងត្អឹងរបស់លោកចំពោះកូរ៉េខាងជើង ត្រូវបានដកចេញពីតំណែងសម្រាប់ការប៉ុនប៉ងដាក់ច្បាប់អាជ្ញាសឹក។     

សេដ្ឋកិច្ចរបស់កូរ៉េខាងត្បូងពឹងផ្អែកខ្លាំងលើសហរដ្ឋអាមេរិក។ ទីក្រុងវ៉ាស៊ីនតោនធានាសន្តិសុខរបស់ប្រទេសនេះ ដោយកងទ័ព និងសន្ធិសញ្ញាការពារដោយនុយក្លេអ៊ែរ ហើយលោក Lee សង្ឃឹមថានឹងរៀបចំផ្លូវប្រកបដោយតុល្យភាពនៃកិច្ចសហប្រតិបត្តិការជាមួយសហរដ្ឋអាមេរិក ខណៈមិនធ្វើឱ្យមានជម្លោះជាមួយដៃគូពាណិជ្ជកម្មធំរបស់ខ្លួនគឺប្រទេសចិន។  

កូរ៉េខាងត្បូងបានរងការរិះគន់ដាក់គោលដៅពីសំណាក់លោក Trump ជាយូរមកហើយ នូវអ្វីដែលលោកបានហៅថាជា "ម៉ាស៊ីនដកប្រាក់" ដែលទាញយកប្រយោជន៍ពីការការពារផ្នែកយោធារបស់អាមេរិក៕