លោក Kirill Dmitriev បេសកជនពិសេសរបស់ប្រធានាធិបតីរុស្ស៊ីសម្រាប់កិច្ចសហប្រតិបត្តិការសេដ្ឋកិច្ចជាមួយប្រទេសផ្សេងទៀត និងជាប្រធានមូលនិធិវិនិយោគផ្ទាល់របស់រុស្ស៊ី (RDIF) បាននិយាយថា ការលំបាកផ្នែកសេដ្ឋកិច្ចដែលអាល្លឺម៉ង់ កំពុងប្រឈម គឺជាលទ្ធផលនៃ«គោលនយោបាយមិនល្អ»។

លោកបានសរសេរនៅលើវេទិកាប្រព័ន្ធផ្សព្វផ្សាយសង្គម Xថា៖«ប្រហែលជា «វិបត្តិ»នេះ លោកអធិការបតីអាល្លឺម៉ង់ បានលើកឡើងថា មិនបានធ្លាក់ពីលើមេឃទេ វាគឺជាស្ថានភាពអវិជ្ជមានបណ្តាល            មកពីការសម្រេចចិត្តខុស និងគោលនយោបាយមិនល្អជាច្រើនឆ្នាំ ហើយគោលនយោបាយមិនល្អទាំងនេះ នៅតែបន្ត។

កាលពីថ្ងៃអាទិត្យ សារព័ត៌មាន The Telegraph បានដកស្រង់សម្តីលោកអធិការបតី Friedrich Merz ថារដ្ឋសុខុមាលភាពរបស់អាល្លឺម៉ង់ លែងមាននិរន្តរភាពផ្នែកហិរញ្ញវត្ថុទៀតហើយ។

យោងតាមកាសែតនេះ «សេដ្ឋកិច្ចរបស់ប្រទេសអាល្លឺម៉ង់ បានធ្លាក់ចុះយ៉ាងខ្លាំង ចាប់តាំងពីឆ្នាំ ២០១៧ ជាមួយនឹងផលិតផលក្នុងស្រុកសរុបកើនឡើងត្រឹមតែ ១,៦% ដែលពេលនោះ ធៀបនឹង៩,៥% សម្រាប់តំបន់ចាយប្រាក់អឺរ៉ូទាំងមូល»។ លើសពីនេះ សេដ្ឋកិច្ចរបស់ប្រទេសអាល្លឺម៉ង់ បានធ្លាក់ចុះ ០,២ % កាលពីឆ្នាំមុន បន្ទាប់ពីធ្លាក់ចុះ ០,៣ % ក្នុងឆ្នាំ ២០២៣»។

លោក Merz បានសម្តែងការមិនពេញចិត្តចំពោះរដ្ឋាភិបាលរបស់ខ្លួន ដោយអំពាវនាវឲ្យមាន «ការផ្លាស់ប្តូរនិងកំណែទម្រង់» ដែលលោក បានពិពណ៌នាថា «អាចធ្វើទៅបាន»។