លោកប្រធានាធិបតី Donald Trump បានចុះហត្ថលេខាលើក្រឹត្យមួយកាលពីថ្ងៃចន្ទណែនាំឲ្យរដ្ឋអាជ្ញាសហរដ្ឋអាមេរិក កាត់ទោសអ្នកទាំងឡាយណាដែលដុតឬក្នុងមធ្យោបាយណាមួយដែលបំផ្លាញទង់ជាតិរបស់សហរដ្ឋអាមេរិក ដោយនាំឱ្យមានការរិះគន់ពីក្រុមអ្នកតស៊ូមតិសេរីភាពនៃការបញ្ចេញមតិ។

លោក Trump បាននិយាយខណៈលោកចុះហត្ថលេខាលើក្រឹត្យនៅការិយាល័យ Oval Office ថា«ប្រសិនបើអ្នកដុតទង់ជាតិ អ្នកនឹងត្រូវជាប់ពន្ធនាគាររយៈពេលមួយឆ្នាំ។ ក្រឹត្យនេះបង្គាប់ឱ្យរដ្ឋអាជ្ញា «កាត់ទោសឲ្យបានខ្លាំង» ជនណាដែលបំពានច្បាប់ បំផ្លាញទង់ជាតិ និងបន្តការជម្រះក្តី ដើម្បីបញ្ជាក់ច្បាស់ពីវិសាលភាពនៃវិសោធនកម្មទី១ទាក់ទងនឹងបញ្ហានេះ។ វិសោធនកម្មទីមួយនៃរដ្ឋធម្មនុញ្ញសហរដ្ឋអាមេរិក ការពារសិទ្ធិសេរីភាពក្នុងការបញ្ចេញមតិរបស់បុគ្គលម្នាក់ៗ។

តុលាការកំពូលរបស់សហរដ្ឋអាមេរិក បានចាប់ផ្តើមនៅក្នុងឆ្នាំ១៩៨៩ និយាយថាការដុត ឬបំផ្លាញទង់ជាតិរបស់ប្រទេស ត្រូវបានការពារ ជាសិទ្ធិសេរីភាពក្នុងការបញ្ចេញមតិ។ មូលនិធិក្រុមសេរីភាពនៃការបញ្ចេញមតិសម្រាប់សិទ្ធិបុគ្គល បាននិយាយនៅក្នុងសេចក្តីថ្លែងការណ៍ដោយថ្កោលទោសក្រឹត្យរបស់លោក Trump ដែលបាននិយាយ «អ្នកមិនចាំបាច់ត្រូវដុតទង់ជាតិនោះទេ។ អ្នកអាចថ្កោលទោសវា ជជែកវែកញែក ឬលើកទង់ជាតិរបស់អ្នកកាន់តែខ្ពស់។ ខ្លឹមសារនៃការបញ្ចេញមតិដោយសេរី គឺថាអ្នកត្រូវបញ្ចេញមតិរបស់អ្នក ទោះបីជាអ្នកដ៏ទៃមិនចូលចិត្តអ្វីដែលអ្នកត្រូវនិយាយក៏ដោយ»។ ក្រឹត្យដែលត្រូវបានចុះហត្ថលេខាដោយលោក Trump ក៏បានណែនាំរដ្ឋអាជ្ញាឱ្យបញ្ជូនករណីបំផ្លាញទង់ជាតិទៅអាជ្ញាធររដ្ឋ ឬតំបន់ ហើយណែនាំរដ្ឋបាលឱ្យហាមឃាត់ និងបញ្ចប់ទិដ្ឋាការ សិទ្ធិស្នាក់នៅ និងដំណើរការចូលសញ្ជាតិសម្រាប់អ្នកដែលបំផ្លាញទង់ជាតិ។