កងកម្លាំងសន្តិសុខនៅក្នុងតំបន់យោធាភាគខាងកើតនៃប្រទេសហ្ស៊កដានី បានរារាំងការប៉ុនប៉ងបញ្ជូនញៀនខុសច្បាប់ ចូលទៅក្នុងប្រទេសនេះ ដែលភ្ជាប់ទៅនឹងបាឡុងដែលបំពាក់ដោយប្រព័ន្ធប្រព័ន្ធនាំផ្លូវទៅកាន់គោលដៅប្រើប្រាស់ឧបករណ៍ចាប់សញ្ញាសាមញ្ញ។ 

ទីភ្នាក់ងារព័ត៌មានរដ្ឋ Petra បានរាយការណ៍ថា សកម្មភាពគួរឲ្យសង្ស័យនេះ ត្រូវបានរកឃើញដោយអង្គភាពឆ្មាំព្រំដែន ដែលធ្វើការយ៉ាងជិតស្និទ្ធជាមួយភ្នាក់ងារសន្តិសុខ និងនាយកដ្ឋានប្រឆាំងគ្រឿងញៀនរបស់ប្រទេសនេះ។

របាយការណ៍ បានបន្ថែមថា ប៉េងប៉ោងទាំងនេះ ត្រូវបានតាមដាន និងបាញ់ទម្លាក់ នៅពេលពួកវា ចូលទៅក្នុងទឹកដីហ្ស៊កដានី ហើយថ្នាំញៀន ត្រូវបានរឹបអូស និងប្រគល់ឲ្យអាជ្ញាធរមានសមត្ថកិច្ច ដើម្បីធ្វើការស៊ើបអង្កេតបន្ថែម។

មន្ត្រីប្រឆាំងគ្រឿងញៀនលោកខាងលិច បាននិយាយថា ហ្ស៊កដានីបានក្លាយជាចំណុចឆ្លងកាត់ ទៅកាន់រដ្ឋឈូងសមុទ្រសម្រាប់ថ្នាំញៀនCaptagon ដែលជាសារធាតុរំញោចប្រភេទអាហ្វេតាមីនដែលត្រូវបានផលិតនៅក្នុងប្រទេសស៊ីរី ជាច្រើនឆ្នាំហើយ។

ប្រទេសហ្ស៊កដានី និងស៊ីរី បានព្រមព្រៀងគ្នា ក្នុងខែមករា ដើម្បីបង្កើតគណៈកម្មាធិការសន្តិសុខរួមមួយ ដើម្បីការពារព្រំដែនរបស់ពួកគេ ប្រយុទ្ធនឹងអាវុធ និងការរត់ពន្ធគ្រឿងញៀន និងទប់ស្កាត់ការកើតឡើងវិញនៃក្រុមរដ្ឋឥស្លាមដេស(Daesh)។