មហាសន្និបាតអង្គការសហប្រជាជាតិកាលពីថ្ងៃអង្គារ បានបង្កើតស្ថាប័នប្រឹក្សាយោបល់ដើម្បីគ្រប់គ្រងបញ្ញាសិប្បនិម្មិត ដើម្បីជួយប្រទេសនានា ធ្វើការសម្រេចចិត្តអំពីបច្ចេកវិទ្យាបដិវត្តន៍។

រដ្ឋសមាជិកទាំងអស់ បាននិយាយថា ពួកគេព្រួយបារម្ភអំពីការអភិវឌ្ឍយ៉ាងឆាប់រហ័សនៃឧបករណ៍ផ្លាស់   ប្តូរជីវិត ដែលពួកគេភ័យខ្លាចថា អាចគំរាមកំហែងដល់លទ្ធិប្រជាធិបតេយ្យ និងសិទ្ធិមនុស្ស។

ដូច្នេះ ក្នុងខែកញ្ញាខាងមុខនេះ ប្រទេសជាសមាជិកអង្គការសហប្រជាជាតិ បានយល់ព្រមបង្កើតក្រុមអ្នកវិទ្យាសាស្ត្រកម្រិតជំនាញមួយ ដើម្បីជួយសម្រួលដល់ការសន្ទនារវាងរដ្ឋាភិបាលនានាអំពីបញ្ញាសិប្បនិម្មិត (AI)។

នៅក្នុងសេចក្តីសម្រេចមួយ ដែលបានអនុម័តកាលពីថ្ងៃអង្គារ មហាសន្និបាតនេះ បានបង្កើតនូវអ្វីដែលហៅថា ក្រុមវិទ្យាសាស្ត្រអន្តរជាតិឯករាជ្យគ្រប់គ្រងបញ្ញាសិប្បនិម្មិត (AI)។



ក្នុងចំណោមសកម្មភាពពាក់ព័ន្ធផ្សេងទៀត ក្រុមនេះនឹង«ចេញការវាយតម្លៃផ្នែកវិទ្យាសាស្រ្តផ្អែកលើភ័ស្តុតាង សំយោគ និងវិភាគការស្រាវជ្រាវដែលមានស្រាប់ ទាក់ទងទៅនឹងឱកាស ហានិភ័យ និងផលប៉ះពាល់របស់បញ្ញាសិប្បនិម្មិត»។

អគ្គលេខាធិការអង្គការសហប្រជាជាតិលោក អង់តូនីញ៉ូ ហ្គុយតឺរេស (Antonio Guterres) បច្ចុប្បន្ននេះនឹងស្វែងរកមនុស្ស ដើម្បីបម្រើនៅក្នុងស្ថាប័នដែលមានសមាជិកចំនួន ៤០រដ្ឋ សម្រាប់រយៈពេលបីឆ្នាំ។