​អ៊ុយក្រែន៖ ប្រធានាធិបតី​អ៊ុយ​ក្រែ​នលោក Volodymyr Zelensky បាន​វាយបក​ចំពោះ​ការអត្ថាធិប្បាយដែល​ធ្វើឡើង​ដោយ​សម​ភាគី​អាមេរិក​គឺលោក Joe Biden ដែលថា​មានការ​ឈ្លានពាន​តិចតួច​ពី​រុស្ស៊ី​ទៅលើ​ប្រទេស​របស់ខ្លួន​។ ​លោក​ Biden បាន​លើកឡើងថា ការវាយប្រហារ​តិចតួច​អាច​នាំ​ឲ្យ​មានការ​ឆ្លើយតប​ធម្មតា​ពី​សហរដ្ឋ​ធា​មេ​រិ​ក និង​ស​ម័​ន្ធ​មិត្ត​របស់ខ្លួន។

​ប៉ុន្តែលោក Zelensky បាន​សរសេរ​នៅលើ​បណ្ដាញ​សង្គម​ធ្វី​ត​ធ័​រថា ពុំមាន​ការឈ្លានពាន​តិចតួច​ណាមួយ​កើតឡើង​នោះទេ។ ហើយក៏​ពុំមាន​ការបាត់បង់​អាយុជីវិតតិចតួច និង​ភាព​សោកសៅ​តិចតួចដោយសារតែ​ការបាត់បង់​មនុស្ស​ជាទី​ស្រឡាញ់​របស់ខ្លួន​នោះទេ​។ ​លោក​ប្រធានាធិបតី Vladimir Putin បានទាមទារ​ជា​បន្តបន្ទាប់ពី​លោកខាងលិច​ ដោយ​ទទូច​មិន​ឲ្យ​អ៊ុយ​ក្រែ​ន​ចូល​ជា​សមាជិក​អង្គការ​ណា​តូ និងបោះបង់ចោល​សកម្មភាព​យោធា​របស់​សម្ព័ន្ធ​នេះនៅក្នុង​តំបន់​អឺរ៉ុប​ខាងកើត​។​ ​កាលពី​ថ្ងៃ​ពុធ ប្រធានាធិបតី​អាមេរិកបាន​ប្រាប់​សន្និសីទ​សារព័ត៌មានថា លោក Putin នឹងត្រូវ​សង​ការខូចខាត​ទាំងស្រុងចំពោះ​ការឈ្លានពាន​ចូល​អ៊ុយ​ក្រែ​ន ប៉ុន្តែ​លោក​ក៏បាន​បញ្ជាក់​ផងដែរ​ថា វា​អាស្រ័យ​ថា​ តើរុស្ស៊ី​ត្រូវ​បោះជំហាន​ទៅមុខ​ដោយ​របៀបណា​៕

អត្ថបទ៖ សុខមាន