ទូរទស្សន៍ Sham TV បានរាយការណ៍ថា យន្តហោះចម្បាំងរបស់កងទ័ពអាកាសអ៊ីស្រាអែល (IAF) បានវាយប្រហារទៅលើទីបញ្ជាការរបស់កងទ័ពស៊ីរី នៅជិតទីក្រុង Al-Kiswah ភាគខាងលិចទីក្រុងដាម៉ាស (Damascus)។

យោងតាមទូរទស្សន៍នេះ យន្តហោះចម្បាំងអ៊ីស្រាអែល បានបើកការវាយប្រហារផ្លូវអាកាសយ៉ាងហោចណាស់ចំនួន ៦លើក ទៅលើគោលដៅលើដី នៅក្នុងទីក្រុង Jabal al-Mana' នៅខាងក្រៅរដ្ឋធានីស៊ីរី។ ពុំមានមានព័ត៌មានណាមួយ ត្រូវបានផ្តល់ឲ្យអំពីផលវិបាកនៃការវាយប្រហារនោះទេ ។

កាលពីថ្ងៃទី ២៦ ខែសីហា ទាហានស៊ីរីចំនួន ៦នាក់ ត្រូវបានសម្លាប់ នៅក្នុងការវាយប្រហារដោយយាន ដ្រូនរបស់អ៊ីស្រាអែល ទៅលើជំរំយោធាស៊ីរី នៅក្បែរទីក្រុងដាម៉ាស។