លោក Dmitry Polyansky តំណាងអចិន្ត្រៃយ៍ស្តីទីរុស្ស៊ីប្រចាំអង្គការសហប្រជាជាតិ បាននិយាយថា មូលនិធិមនុស្សធម៌ហ្កាហ្សា (GHF) ដែលបង្កើតឡើងដោយអ៊ីស្រាអែល ដោយមានការគាំទ្រពីសហរដ្ឋអាមេ  រិក មិនអាចចាត់ទុកថា ជាបេសកកម្មមនុស្សធម៌បានទេ ដោយសារវាត្រូវបានគេប្រើជាឧបករណ៍ ដើម្បីបំភិតបំភ័យ និងគាបសង្កត់ប្រជាជនស៊ីវិល។

លោកបាននិយាយនៅក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិស្តីពីស្ថានភាពនៅតំបន់ហ្កា ហ្សាស្ទ្រីបថា៖«យើងចង់ទាក់ទាញការយកចិត្តទុកដាក់ចំពោះសកម្មភាពរបស់មូលនិធិមនុស្សធម៌អាមេរិក-អ៊ីស្រាអែល ហ្គាហ្សា។ ចាប់តាំងពីការបង្កើតឡើងក្នុងខែឧសភានេះ ស្ថានភាពនេះ បានក្លាយជាសោកនាដកម្ម និងមិនអាចទទួលយកបានជាដាច់ខាត។ យោងទៅតាមការប៉ាន់ប្រមាណផ្សេងៗ ប្រជាជនប៉ាឡេស្ទីនជាង ១.៨០០នាក់ បានស្លាប់ ខណៈពេលដែលកំពុងព្យាយាមទទួលជំនួយមនុស្សធម៌ ដោយមានយ៉ាងហោចណាស់ ១.000នាក់នៃពួកគេ នៅជិតកន្លែងចែកចាយជំនួយដែលដំណើរការដោយរចនាសម្ព័ន្ធមនុស្សធម៌ក្លែងក្លាយនេះ»។

លោកបាននិយាយថា៖«យោងតាមរបាយការណ៍ដែលទទួលបាន ការបាញ់ប្រហារទៅលើជនស៊ីវិល ត្រូវបានធ្វើជាប្រចាំ។ ប្រជាជនដែល អស់សង្ឃឹម ចំណាយពេលមួយយប់នៅជិតកន្លែងចែកចាយអាហារ និងទទួលគ្រាប់កាំភ្លើងជំនួសវិញ។ នេះមិនមែនជាបេសកកម្មមនុស្សធម៌ទេ។ នេះគឺជាអំពើហិង្សាដែលក្លែងបន្លំជាចេតនាល្អ។ គោលនយោបាយនៃការបំភិតបំភ័យ និងការគាបសង្កត់ប្រឆាំងនឹងប្រជាជនស៊ីវិលដែលគ្មានទីពឹង កំពុងត្រូវបានអនុវត្ត ក្រោមទម្រង់នៃសកម្មភាពមនុស្សធម៌» ដោយបានបន្ថែមថា សកម្មភាពរបស់មូលនិធិនេះ គឺពិតជាគ្រោះថ្នាក់ និងផ្ទុយទៅនឹងគោលការណ៍មនុស្សធម៌ដែលត្រូវបានទទួលស្គាល់ជាទូទៅ»។