អនុប្រធានាធិបតីប្រេស៊ីល លោក Geraldo Alckmin បាននិយាយកាលពីថ្ងៃព្រហស្បតិ៍ថា ប្រទេសប្រស៊ីល និងម៉ិកស៊ីក មានផែនការចុះហត្ថលេខាលើកិច្ចព្រមព្រៀងពាណិជ្ជកម្មបំពេញបន្ថែមនៅខែសីហា ឆ្នាំក្រោយ បន្ទាប់ពីជំនួបជាមួយប្រធានាធិបតីម៉ិកស៊ិក លោកស្រី Claudia Sheinbaum។

លោក Alckmin បានពន្យល់ដោយថ្លែងនៅក្នុងសន្និសីទសារព័ត៌មាននៅទីក្រុង Mexico City ថា អាជ្ញាធរបានចុះហត្ថលេខាលើកិច្ចព្រមព្រៀងបឋមក្នុងវិស័យកសិកម្ម សុខាភិបាល និងជីវឥន្ធនៈ។

ប្រទេសប្រេស៊ីល កំពុងស្វែងរកការដឹកជញ្ជូនសាច់គោបន្ថែមទៀតទៅកាន់ប្រទេសម៉ិកស៊ិក ដែលថ្មីៗនេះបានកើនលើសសហរដ្ឋអាមេរិក ខណៈម៉ិកស៊ិកជាគោលដៅទី២សម្រាប់សាច់គោប្រេស៊ីល។

លោក Alckmin ដែលចាត់ទុកជំនួបជាមួយលោកស្រី Sheinbaum ថា «ល្អប្រសើរ» បាននិយាយថា ភាគីទាំងពីរក៏បានពិភាក្សាគ្នាអំពីជីវឥន្ធនៈ និងការផលិតថ្មដែលមានសក្តានុពល។ លោកស្រី Sheinbaum បានបង្ហាញចំណាប់អារម្មណ៍ចំពោះជីវឥន្ធនៈរបស់ប្រទេសប្រេស៊ីលដែលនឹងបញ្ជាទិញជីវឥន្ធនៈបន្ថែមទៀតលាយជាមួយនឹងឥន្ធនៈហ្វូស៊ីល។