ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃព្រហស្បតិ៍ទី២៨ ខែសីហា បានបន្ថែមពេលជាឯកច្ឆ័ន្ទ «សម្រាប់ពេលវេលាចុងក្រោយ» នៃបេសកកម្មរក្សាសន្តិភាពជាយូរមកនៅក្នុងប្រទេសលីបង់រហូតដល់ចុងឆ្នាំ២០២៦ ដែលប្រតិបត្តិការនេះក្រោយមកទៀតនឹងចាប់ផ្តើម «កាត់បន្ថយនិងដកជាបន្តបន្ទាប់ដោយសុវត្ថិភាពក្នុងរយៈពេលមួយឆ្នាំ។

កងកម្លាំងបណ្តោះអាសន្នរបស់អង្គការសហប្រជាជាតិនៅលីបង់ (UNIFIL) ត្រូវបានបង្កើតឡើងក្នុងឆ្នាំ ១៩៧៨ ដោយល្បាតនៅព្រំដែនភាគខាងត្បូងប្រទេសលីបង់ជាមួយប្រទេសអ៊ីស្រាអែល។ ក្រុមប្រឹក្សាដែលមានសមាជិក១៥រូបបានអនុម័តជាឯកច្ឆ័ន្ទនូវសេចក្តីសម្រេចដែលព្រាងដោយប្រទេសបារាំងបន្ទាប់ពីការសម្របសម្រួលមួយត្រូវបានឈានដល់។ ក្រុមប្រឹក្សាសន្តិសុខបានសម្រេច «បន្តសម្រាប់អាណត្តិចុងក្រោយរបស់កងកម្លាំងបណ្តោះអាសន្នរបស់អង្គការសហប្រជាជាតិនៅលីបង់ (UNIFIL)។

សេចក្តីសម្រេច «ស្នើសុំឱ្យកងកម្លាំងបណ្តោះអាសន្នរបស់អង្គការសហប្រជាជាតិនៅលីបង់ (UNIFIL) បញ្ឈប់ប្រតិបត្តិការរបស់ខ្លួននៅថ្ងៃទី៣១ ខែធ្នូ ឆ្នាំ២០២៦ ហើយចាប់ផ្តើមពីកាលបរិច្ឆេទនេះ នៅក្នុងរយៈពេលមួយឆ្នាំនឹងត្រូវដកបុគ្គលិករបស់ខ្លួនជាបន្តបន្ទាប់និងដោយសុវត្ថិភាព ដោយមានការពិភាក្សាយ៉ាងជិតស្និទ្ធជាមួយរដ្ឋាភិបាលលីបង់ក្នុងគោលបំណងធ្វើឱ្យរដ្ឋាភិបាលលីបង់ជាអ្នកផ្តល់សន្តិសុខដោយខ្លួនឯងនៅភាគខាងត្បូងប្រទេសលីបង់»។