រដ្ឋមន្ត្រីក្រសួងការពារជាតិអាមេរិក លោក Pete Hegseth បានប្រកាសពីការបង្កើតក្រុមការងារអន្តរទំនាក់ទំនងរួមមួយ ដើម្បីទប់ទល់នឹងប្រព័ន្ធយានដ្រូនគ្មានមនុស្សបើក(UAS)ដែលបង្កអរិភាព។

លោកបាននិយាយនៅក្នុងវីដេអូនៅលើទំព័របណ្តាញសង្គម Xរបស់ខ្លួនថា៖«ពុំមានការងឿងឆ្ងល់ទេថា ការគំរាមកំហែងដែលយើងប្រឈមមុខ នាពេលបច្ចុប្បន្ននេះ ពីយានដ្រូនដែលបង្កអរិភាព កើនឡើងពីមួយថ្ងៃទៅមួយថ្ងៃ»។

ដោយត្រូវបានប្រតិបត្តិការនៅក្រៅប្រទេស និងនៅតាមព្រំដែនរបស់ប្រទេសនេះ ប្រព័ន្ធយានដ្រូនគ្មានមនុស្សបើកដែលបង្កអរិភាព កំពុងស្វែងរកការបង្កគ្រោះថ្នាក់ដលទាហានអាមេរិក មូលដ្ឋានទ័ព និង អធិបតេយ្យភាពនៃដែនអាកាសជាតិ ដោយលោកបន្ថែមថា ក្រុមការងារថ្មី នឹងក្លាយជា «ក្រុមបង្រួបបង្រួមដែលនឹងស្វែងរកការប្រមូលផ្តុំនូវទេពកោសល្យល្អបំផុតពីភ្នាក់ងាររដ្ឋាភិបាលជាច្រើន ដើម្បីប្រឆាំងនឹងការគំរាមកំហែងរបស់ប្រព័ន្ធយានដ្រូនគ្មានមនុស្សបើក(UAS) និងស្ដារការគ្រប់គ្រងលើមេឃ។

លោក Hegseth បាននិយាយថា៖«ក្រុមការងារនេះ ត្រូវបានគេហៅថា counter-UAS គឺប្រព័ន្ធប្រឆាំងយានដ្រូនគ្មានមនុស្សបើក»។

លោកបានកត់សម្គាល់ថា បច្ចុប្បន្ននេះ មន្ទីរបញ្ចកោណ កំពុងផ្លាស់ប្តូរយ៉ាងឆាប់រហ័ស ដើម្បីកាត់បន្ថយកិច្ចការដែលមិនចំាចាច់មួយចំនួន និងប្រមូលផ្តុំធនធាន ដើម្បីផ្តល់សិទ្ធិអំណាចដល់ក្រុមការងារ ជាមួយនឹង «សិទ្ធិអំណាចពេញលេញ ដើម្បីយកឈ្នះក្រុមគូប្រជែងរបស់យើង»។