ប្រមុខការទូតរបស់សហភាពអឺរ៉ុបលោកស្រី Kaja Kallas បាននិយាយថា សហភាពអឺរ៉ុបមើលឃើញបេសកកម្មហ្វឹកហ្វឺនរបស់ខ្លួនសម្រាប់កងទ័ពអ៊ុយក្រែន បេសកកម្មយោធា និងការគាំទ្រសម្រាប់ឧស្សាហកម្មការពារជាតិអ៊ុយក្រែន ជាការចូលរួមចំណែកដល់ការធានាសន្តិសុខសម្រាប់ទីក្រុងគីវ។  

លោកស្រី បានលើកឡើងនៅពេលទៅដល់កិច្ចប្រជុំក្រៅផ្លូវការនៃរដ្ឋមន្ត្រីការបរទេស និងការពារជាតិរបស់ប្លុកនេះ នៅទីក្រុង Copenhagen នៃប្រទេសដាណឺម៉ាកថា៖«នៅពេលយើងនិយាយអំពីកម្រិតរបស់សហភាពអឺរ៉ុប នោះអ្វីដែលជាការរួមចំណែករបស់យើងក្នុងការធានាសន្តិសុខ គឺបេសកកម្មហ្វឹកហ្វឺន បេសកកម្មយោធា និងការគាំទ្រសម្រាប់ឧស្សាហកម្មការពារជាតិរបស់អ៊ុយក្រែនផងដែរ»។  

យោងតាមលោកស្រី Kallas រដ្ឋមន្ត្រីទាំងអស់ នឹងពិភាក្សាអំពី «របៀបផ្លាស់ប្តូរអាណត្តិ»នៃបេសកកម្មរបស់សហភាពអឺរ៉ុបដែលមានស្រាប់ ដើម្បីឲ្យពួកគេត្រៀមខ្លួន ដើម្បីបន្តការគាំទ្រផ្នែកយោធាដល់អ៊ុយ   ក្រែន ប្រសិនបើកិច្ចព្រមព្រៀងសន្តិភាពមួយ ត្រូវបានសម្រេចបាន។