សហរដ្ឋអាមេរិកបាននិយាយកាលពីថ្ងៃសុក្រ ទី២៩ ខែសីហា ថា ខ្លួននឹងបដិសេធការ ផ្តល់ទិដ្ឋាការដល់សមាជិកអាជ្ញាធរប៉ាឡេស្ទីនដើម្បីចូលរួមមហាសន្និបាតអង្គការសហប្រជាជាតិនៅខែក្រោយដែលប្រទេសបារាំងកំពុងដឹកនាំការជំរុញឱ្យទទួលស្គាល់រដ្ឋប៉ាឡេស្ទីន។

វិធានការវិសាមញ្ញបន្ថែមទៀត បានភ្ជាប់រដ្ឋបាលរបស់លោកប្រធានាធិបតី Donald Trump ទៅនឹងរដ្ឋាភិបាលអ៊ីស្រាអែល ដែលកំពុងប្រយុទ្ធក្នុងសង្គ្រាមប្រឆាំងក្រុមសកម្មប្រយុទ្ធហាម៉ាសប៉ាឡេស្ទីន នៅតំបន់ហ្កាហ្សា។

អ៊ីស្រាអែល បដិសេធយ៉ាងដាច់ខាតចំពោះរដ្ឋប៉ាឡេស្ទីន ហើយបានស្វែងរកការប្រមូលផ្តុំអាជ្ញាធរប៉ាឡេស្ទីនដែលមានមូលដ្ឋាននៅតំបន់ West Bank ជាមួយគូប្រជែងក្រុមហាម៉ាស។

ក្រសួងការបរទេសបាននិយាយនៅក្នុងសេចក្តីថ្លែងការណ៍ថា «រដ្ឋមន្ត្រីការបរទេសលោក Marco Rubio កំពុងបដិសេធ និងលុបចោលទិដ្ឋាការពីសមាជិកនៃអង្គការរំដោះប៉ាឡេស្ទីន (PLO) និងអាជ្ញាធរប៉ាឡេស្ទីន (PA) នៅមុនមហាសន្និបាតអង្គការសហប្រជាជាតិ នាពេលខាងមុខ»។

ក្រសួងបាននិយាយបន្ថែមថា «រដ្ឋបាលលោក Trump មានភាពច្បាស់លាស់ ដែលវាស្ថិតនៅក្នុងផលប្រយោជន៍សន្តិសុខជាតិរបស់យើងដើម្បីឲ្យអង្គការរំដោះប៉ាឡេស្ទីន(PLO) និងអាជ្ញាធរប៉ាឡេស្ទីន (PA) ទទួលខុសត្រូវចំពោះការមិនអនុវត្តតាមការប្តេជ្ញាចិត្តរបស់ខ្លួន និងសម្រាប់ការធ្វើឱ្យអន្តរាយដល់ការរំពឹងទុកសម្រាប់សន្តិភាព»។

ក្រសួងបានអំពាវនាវឱ្យអាជ្ញាធរប៉ាឡេស្ទីនទម្លាក់ចោល «កិច្ចខិតខំប្រឹងប្រែងដើម្បីទទួលបានការទទួលស្គាល់ជាឯកតោភាគីនៃរដ្ឋប៉ាឡេស្ទីន» ។