ក្រុមសេដ្ឋវិទូថៃកំពុងជំរុញឱ្យមានការបង្កើតរដ្ឋាភិបាលយ៉ាងឆាប់រហ័សដើម្បីជៀសវាងភាពជាប់គាំងនៃគោលនយោបាយ និងដោះស្រាយសញ្ញាការធ្លាក់ចុះសេដ្ឋកិច្ចនៃការប្រើប្រាស់ ការវិនិយោគ និងពាណិជ្ជកម្ម។

ការពន្យារពេលបង្កើតរដ្ឋាភិបាលថ្មីអាចរំខានដល់ការចំណាយរបស់រដ្ឋាភិបាលសំខាន់ៗ រារាំងផែនការជំរុញសេដ្ឋកិច្ច និងជះផលអវិជ្ជមានដល់ទំនុកចិត្តរបស់ក្រុមវិនិយោគិន។

ក្រុមសេដ្ឋវិទូឈានមុខរបស់ថៃ កំពុងព្រមានថា អស្ថិរភាពនយោបាយបច្ចុប្បន្នរបស់ប្រទេស ដែលអាចឈានទៅដល់ការំលាយសភា អាចរំខានខ្លាំងដល់សេដ្ឋកិច្ចស្របពេលមានសញ្ញានៃការធ្លាក់ចុះផ្នែកសេដ្ឋកិច្ចរបស់ប្រទេសនេះក៏ដូចជាផែនការជំរុញសេដ្ឋកិច្ចផងដែរ។   

យោងតាមលោក Amornthep Chawla អនុប្រធានប្រតិបត្តិ និងជាប្រធានផ្នែកស្រាវជ្រាវនៅធនាគារ CIMB Thai បាននិយាយថា ស្ថានភាពនយោបាយកាន់តែច្បាស់ ប៉ុន្តែឥឡូវនេះការផ្តោតសំខាន់គឺទៅលើការបង្កើតរដ្ឋាភិបាលថ្មី និងការជ្រើសរើសនាយករដ្ឋមន្ត្រី។ 

សម្រាប់វិស័យឯកជន និងក្រុមវិនិយោគិន លោកថា ភាពច្បាស់លាស់ និងស្ថិរភាពគឺជារឿងសំខាន់បំផុត។ ការតែងតាំងរដ្ឋាភិបាលថ្មីឲ្យបានឆាប់រហ័ស នឹងជួយកាត់បន្ថយភាពមិនច្បាស់លាស់ និងបង្កើតក្របខ័ណ្ឌសេដ្ឋកិច្ចច្បាស់លាស់៕