អធិការបតីអាល្លឺម៉ង់ Friedrich Merz បាននិយាយកាលពីថ្ងៃអាទិត្យថា សង្រ្គាមនៅអ៊ុយក្រែន នៅតែអាចអូសបន្លាយរយៈពេលយូរ ហើយការបញ្ចប់ជម្លោះនេះបានយ៉ាងឆាប់រហ័សដោយការចំណាយរបស់ប្រទេសនេះតែម្នាក់ឯង គឺមិនមែនជាជម្រើសនោះទេ។

នៅក្នុងបទសម្ភាសន៍ជាមួយទូរទស្សន៍សាធារណៈរបស់អាល្លឺម៉ង់ ZDF នៅពេលសួរថាតើបទឈប់បាញ់អាចអាចទៅរួចដែរឬទេ នៅឆ្នាំនេះ លោក Merz បាននិយាយថា លោកមិនបានបាត់បង់ក្តីសង្ឃឹមទេ ប៉ុន្តែ   «ចំាចាច់ត្រូវយល់អំពីស្ថានភាពជាក់ស្តែង» ហើយបានសង្កត់ធ្ងន់ថា ការគាំទ្រប្រទេសនេះ ដើម្បីការពារខ្លួនប្រឆាំងនឹងរុស្ស៊ី គឺជា «អាទិភាពសំខាន់បំផុត»។

លោក Merz បានបញ្ជាក់ថា៖«យើងកំពុងព្យាយាមបញ្ចប់សង្គ្រាមនេះឲ្យបានលឿនតាមដែលអាចធ្វើទៅបាន។ ប៉ុន្តែជាការពិត ការបញ្ចប់ជម្លោះនេះ គឺមិនមែនមានន័យថា អ៊ុយក្រែនជាអ្នកចុះចាញ់ទេ។ អ្នកអាចបញ្ចប់សង្រ្គាម នៅថ្ងៃស្អែកបាន ប្រសិនបើអ៊ុយក្រែន ចុះចាញ់ និងបាត់បង់ឯករាជ្យភាពរបស់ខ្លួន»។

លោកអធិការបតី «បន្ទាប់មក ប្រទេសបន្ទាប់ នឹងមានគ្រោះថ្នាក់ នៅថ្ងៃបន្ទាប់ ហើយថ្ងៃបន្ទាប់ទៀតនោះ វាគឺជាពួកយើង។ នោះ ពុំមិនមែនជាជម្រើសទេ»។

ប្រទេសអាល្លឺម៉ង់ គឺជាអ្នកគាំទ្រដ៏សំខាន់របស់អ៊ុយក្រែន ហើយបានផ្តល់ ឬសន្យាការគាំទ្រផ្នែកយោធាដែលមានតម្លៃប្រហែល ៤០ ពាន់លានអឺរ៉ូ (៤៧ ពាន់លានដុល្លារ) ចាប់តាំងពីប្រទេសរុស្ស៊ី បានចាប់       ផ្តើមការឈ្លានពានពេញបន្ទុករបស់ខ្លួន នៅក្នុងខែកុម្ភៈឆ្នាំ ២០២២។