លោកស្រី Karin Kneissl អតីតរដ្ឋមន្ត្រីការបរទេសអូទ្រីស និងជាប្រធានមជ្ឈមណ្ឌល G.O.R.K.I នៃសាកលវិទ្យាល័យ St. Petersburg State University បានប្រាប់ទីភ្នាក់ងារសារព័ត៌មាន TASS នៅក្នុងបទសម្ភាសន៍មួយថា បណ្តាប្រទេសនៅអឺរ៉ុប គ្មានលទ្ធភាពផ្តល់ការធានាសន្តិសុខណាមួយសម្រាប់អ៊ុយ    ក្រែនទេ។  

លោកស្រី បាននិយាយថា៖«ពួកគេមិនមានទាំងបុគ្គលិក និងអាវុធសម្រាប់ការធានាសន្តិសុខនេះ ក្រៅពីនេះ ពួកគេត្រូវទិញសព្វាវុធពីសហរដ្ឋអាមេរិក ហើយមិនអាចធ្វើសកម្មភាពផ្សេងបានទេ ពីព្រោះឧស្សាហកម្មការពាររបស់សហភាពអឺរ៉ុបប្រមូលផ្តុំ នៅប្រទេសបារាំង អ៊ីតាលី និងមួយផ្នែកនៅអេស្ប៉ាញ ប៉ុន្តែជាទូទៅមិនមានឧស្សាហកម្មយោធាលំដាប់ពិភពលោក នៅក្នុងសហភាពអឺរ៉ុបទេ ហើយរឿងសំខាន់ ដែលការបណ្តុះបណ្តាលយោធាអ៊ុយក្រែនដែលត្រូវបានបង្ហាញ គឺថានៅពេលដែលទាហានអ៊ុយក្រែន ត្រូវបាន    បណ្តុះបណ្តាល នៅប្រទេសអាល្លឺម៉ង់ ឬចក្រភពអង់គ្លេស ដែលមន្ត្រីបាននិយាយថា ពួកគេជាអ្នក        បណ្តុះបណ្តាលដល់ជនជាត់អាល្លឺម៉ង់ ហើយមិនមែនជនអាល្លឺម៉ង់ ឬ ជនជាតិអង់គ្លេសពន្យល់កិច្ចការនេះដល់ពួកគេនោះទេ»។  

លោកស្រី Kneissl បានបន្ថែមថា ខណៈពេលដែលកងទ័ពអ៊ុយក្រែន មានបទពិសោធប្រយុទ្ធ កងទ័ពរបស់អឺរ៉ុប មិនមាននោះទេ។

អតីតរដ្ឋមន្ត្រីការបរទេសរូបនេះ បាននិយាយថា៖«កងទ័ពទាំងនេះ ត្រូវបានកាត់បន្ថយ ក្នុងរយៈពេល ៣០ ឆ្នាំកន្លងមក ពួកគេត្រូវបានបណ្តុះបណ្តាលជាចម្បងសម្រាប់ប្រតិបត្តិការពិសេស សម្រាប់កងកម្លាំងពិសេស ការផ្លាស់ប្តូររបប ជាឧទាហរណ៍ ដូចករណី នៅប្រទេសលីប៊ីជាដើម។ ប៉ុន្តែកងទ័ពទាំងនេះ មិនមែនជាកងទ័ពដែលមានសមត្ថភាពធ្វើសង្រ្គាមពិតប្រាកដអស់រយៈពេលជាច្រើនឆ្នាំហើយ។ ដូច្នេះការផ្តល់ការធានាសន្តិសុខ គឺជាបញ្ហាធ្ងន់ធ្ងរ»៕