កងកម្លាំងបណ្តោះអាសន្នរបស់អង្គការសហប្រជាជាតិក្នុងប្រទេសលីបង់ (UNIFIL) បាននិយាយថា យានដ្រូនរបស់អ៊ីស្រាអែល បានទម្លាក់គ្រាប់បែកចំនួន៤គ្រាប់នៅជិតកងរក្សាសន្តិភាពដែលកំពុងធ្វើការដើម្បីបោសសម្អាតរបាំងផ្លូវដែលរារាំងដំណើការចូលទៅកាន់ទីតាំងរបស់អង្គការសហប្រជាជាតិ។

កងកម្លាំងបណ្តោះអាសន្នរបស់អង្គការសហប្រជាជាតិនៅក្នុងប្រទេសលីបង់ (UNIFIL) បាននិយាយនៅក្នុងសេចក្តីថ្លែងការណ៍នៅថ្ងៃពុធនេះថា «នេះគឺជាការវាយប្រហារធ្ងន់ធ្ងរបំផុតមួយទៅលើបុគ្គលិក និងទ្រព្យសម្បត្តិរបស់កងកម្លាំង UNIFIL ចាប់តាំងពីការបញ្ចប់កិច្ចព្រមព្រៀងអរិភាពកាលពីខែវិច្ឆិកា ឆ្នាំមុន»។

គ្រាប់បែកមួយគ្រាប់បានវាយប្រហារក្នុងចម្ងាយ២០ម៉ែត្រ និងបីគ្រាប់ក្នុងចម្ងាយប្រហែល១០០ម៉ែត្រពីបុគ្គលិកនិងយានយន្តរបស់អង្គការសហប្រជាជាតិ។

អ៊ីស្រាអែល បាននិងកំពុងវាយប្រហារស្ទើររាល់ថ្ងៃលើប្រទេសលីបង់ ទោះបីជាមានបទឈប់បាញ់ជាមួយក្រុមហេសបូឡា កាលពីខែវិច្ឆិកា ឆ្នាំ២០២៤ក៏ដោយ។