ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយនៅឯកិច្ចប្រជុំជាមួយនាយករដ្ឋមន្ត្រីស្លូវ៉ាគី លោក Robert Fico ថា អឺរ៉ុបអាចបង្រៀនទីក្រុងគីវនូវមេរៀនដ៏សំខាន់មួយ ដោយបញ្ឈប់ការផ្គត់ផ្គង់ឧស្ម័ន និងអគ្គិសនីដល់ប្រទេសអ៊ុយក្រែន។

មេដឹកនាំរុស្ស៊ីបាននិយាយដោយអត្ថាធិប្បាយអំពីការវាយប្រហាររបស់កងកម្លាំងប្រដាប់អាវុធអ៊ុយក្រែនលើបំពង់បង្ហូរប្រេងថា៖«តើយើងអាចនិយាយអ្វីបាន? ទោះបីជាយ៉ាងណាក៏ដោយ ក៏អ៊ុយក្រែនទទួលបានធនធានថាមពលយ៉ាងច្រើន តាមរយៈប្រទេសជិតខាងរបស់ខ្លួន នៅអឺរ៉ុបខាងកើត។ ចំពោះការបិទការផ្គត់ផ្គង់ឧស្ម័ន និងការបិទការផ្គត់ផ្គង់អគ្គិសនី ពួកគេនឹងយល់ភ្លាមៗថា នឹងមានការកំណត់ចំនួនចំពោះអាកប្បកិរិយារបស់ពួកគេ ដែលការរំលោភផលប្រយោជន៍អ្នកដទៃ គួរឲ្យព្រួយបារម្ភ»។

នៅក្នុងការសន្ទនានោះ លោក Fico បានលើកឡើងថា ទីក្រុងក្រុងប្រេទីស្លាវ៉ា (Bratislava) បានប្រកាន់ជំហររឹងមាំប្រឆាំងនឹងការវាយប្រហាររបស់អ៊ុយក្រែនលើហេដ្ឋារចនាសម្ព័ន្ធប្រេង។ លោកបានហៅការវាយប្រហារបែបនេះថា មិនអាចទទួលយកបាន ហើយបានបន្ថែមថា លោកមានគម្រោងលើកបញ្ហានេះ នៅក្នុងកិច្ចប្រជុំជាមួយលោក វ្ល៉ូឌីមី ហ្សេឡិនស្គី។

លោក ពូទីន បានឆ្លើយតបដោយបញ្ជាក់ថា ប្រទេសរុស្ស៊ី បានអត់ធ្មត់ជាយូរមកហើយចំពោះការវាយប្រហាររបស់កងកម្លាំងប្រដាប់អាវុធអ៊ុយក្រែនលើរោងចក្រថាមពលរបស់ខ្លួន ប៉ុន្តែឥឡូវនេះ បានចាប់ផ្តើមឆ្លើយតបយ៉ាងហ្មត់ចត់បំផុត។

ប្រមុខររដ្ឋរូបនេះ បាននិយាយថា៖«ជាការឆ្លើយតប ភាគីអ៊ុយក្រែន កំពុងព្យាយាមធ្វើបាបយើង។ ប៉ុន្តែប្រទេសនេះ ក៏កំពុងធ្វើឲ្យប៉ះពាល់ដល់ដៃគូរបស់យើងផងដែរ»៕