នៅថ្ងៃពុធនេះ សម្តេចប៉ាប លីអូ បានអំពាវនាវឲ្យមានកាឆ្លើយតបសកលចំពោះជម្លោះស៊ូដង់ ស្របពេលដែលក្រុមប្រដាប់អាវុធគ្រប់គ្រងតំបន់ភាគខាងត្បូងប្រទេសមួយនេះ និយាយថា មនុស្ស ១ពាន់នាក់ បានស្លាប់ ពេលដែលបំណាក់ដីបាក់សង្កត់លើភូមិតំបន់ភ្នំមួយកន្លែង ។

សម្តេចប៉ាប មានព្រះបន្ទូលថា ព្រះអង្គមានព្រះហទ័យកាន់តែជិតស្និតជាមួយពលរដ្ឋស៊ូដង់ ហើយសូមជំរុញឲ្យមានការសន្ទនាបញ្ចប់សង្រ្គាមស៊ីវិល ។

កងទ័ពចលនារំដោះស៊ូដង់(SLM/A) និយាយថា មនុស្សម្នាក់គត់ បានរស់រានពីការបំផ្លិចបំផ្លាញភូមិ Tarseen ស្ថិតក្នុងតំបន់ភ្នំ Jebel Marra នៃតំបន់ Darfur ។

កងទ័ព SLM/A ដែលគ្រប់គ្រង និងធ្វើអភិបាលកិច្ចតំបន់ស្វយ័ត Jebel Marra បានអំពាវនាវឲ្យអង្គការសហប្រជាជាតិ(UN) និងទីភ្នាក់ងារជំនួយអន្តរជាតិ ជួយប្រមូលសាកសពជនរងគ្រោះ រួមទាំងបុរស ស្រ្តី និងកុមារ ។

កងទ័ព SLM/A នៅតែអព្យាក្រឹតចំពោះជម្លោះរវាងសត្រូវសំខាន់ទាំង ២នៅក្នុងសង្រ្គាមស៊ីវិលស៊ូដង់ គឺកងទ័ពស៊ូដង់ និងកងកម្លាំងគាំទ្ររហ័ស(RSF) ។

បច្ចាមិត្តទាំង ២ កំពុងប្រយុទ្ធគ្នា ដើម្បីគ្រប់គ្រងរដ្ឋធានី al-Fashir ស្ថិតក្នុងរដ្ឋ North Darfur ដែលរងការឡោមព័ទ្ធពីកងកម្លាំង RSF និងបានទទួលរងគ្រោះទុរ្ភិក្ស ៕