ក្រុមអ្នកស្រុកបាននិយាយថា កងកម្លាំងអ៊ីស្រាអែល កំពុងបង្កើនការវាយប្រហារលើជាយក្រុងហ្កាហ្សា ខណៈយោធាពន្លឿនការត្រៀមវាយលុកដោយថ្មើរជើងដើម្បីដណ្តើមយកទីក្រុងនេះ។

មន្ទីរពេទ្យបាននិយាយថា ស្ត្រី និងកុមារស្ថិត ក្នុងចំណោមជនជាតិប៉ាឡេស្ទីនជាង ៣០ នាក់ដែលត្រូវបានសម្លាប់នៅក្នុងការវាយប្រហាររបស់អ៊ីស្រាអែលក្នុងទីក្រុងនេះ កាលពីថ្ងៃពុធសប្ដាហ៍នេះ ភាគច្រើននៃពួកគេនៅភាគខាងជើង និងខាងលិច។

មេទ័ពអ៊ីស្រាអែលបានប្តេជ្ញាថានឹងបន្តវាយប្រហារទីតាំងសំខាន់ៗរបស់ក្រុមហាម៉ាស រហូតទាល់តែ ត្រូវបានកម្ចាត់ចោលទាំងស្រុង ហើយចំណាប់ខ្មាំងរបស់ខ្លួនត្រូវបានដោះលែង។

អង្គការសហប្រជាជាតិ និងក្រុមជំនួយបាននិយាយថា ប្រតិបត្តិការរបស់អ៊ីស្រាអែលកំពុងបង្កឲ្យមានផលវិបាកមនុស្សធម៌ដ៏គួរឱ្យភ័យខ្លាចរួចហើយសម្រាប់គ្រួសារជនភៀសខ្លួនដែលជ្រកកោននៅក្នុងទីក្រុងជាផ្ទះរបស់មនុស្សមួយលាននាក់ និងជាកន្លែងដែលគ្រោះទុរភិក្សត្រូវបានប្រកាសកាលពីខែមុន។

ទន្ទឹមនឹងនេះ ក្រុមអ្នកតវ៉ាអ៊ីស្រាអែលបានចូលរួមនូវអ្វីដែលពួកគេហៅថា "ថ្ងៃនៃការរំខាន" ដើម្បីជំរុញរដ្ឋាភិបាលរបស់ពួកគេឱ្យយល់ព្រមភ្លាមៗនូវកិច្ចព្រមព្រៀងដែលនឹងបញ្ចប់សង្រ្គាមជាថ្នូរនឹងការដោះលែងចំណាប់ខ្មាំងជនជាតិអ៊ីស្រាអែល និងបរទេសទាំង ៤៨ នាក់ក្នុងតំបន់ហ្កាហ្សា ដែល ២០ នាក់ត្រូវបានគេជឿថានៅមានជីវិត៕