បណ្ដាមេដឹកនាំធុរកិច្ចរបស់ប្រទេសថៃ កំពុងបង្ហាញក្ដីបារម្ភខ្លាំង ខណៈភាពចលាចលនយោបាយគំរាមកំហែងដល់ការជាប់គាំងសេដ្ឋកិច្ច ស្របពេលចុងឆ្នាំដ៏សំខាន់ជិតមកដល់។ ទោះបីជាគណបក្សកាន់អំណាចភឿថៃ បានទទួលស្គាល់ថាក្លាយជាបក្សប្រឆាំង ហើយសភាគ្រោងនឹងបោះឆ្នោតជ្រើសរើសនាយករដ្ឋមន្ត្រីថ្មីនៅថ្ងៃទី ៥ ខែកញ្ញាក៏ដោយ ប៉ុន្តែការរំពឹងទុករបស់រដ្ឋាភិបាលសំឡេងភាគតិចនៅតែប្រឈមនឹងការបង្កើតវិបត្តិថវិកា ដែលអាចប៉ះពាល់ដល់ការស្តារសេដ្ឋកិច្ចឡើងវិញ។ 

ប្រទេសថៃបានបញ្ចេញថវិកាត្រឹមតែ ៥០% នៃថវិកាសារពើពន្ធឆ្នាំ ២០២៥ របស់ខ្លួនបន្ទាប់ពីជិត ១១ខែ ពោលគឺទាបជាងមធ្យមភាគជាប្រវត្តិសាស្រ្ត ៦០%។ លោក Kriangkrai Tiannukul ប្រធានសហព័ន្ធឧស្សាហកម្មថៃបានព្រមានថា អស្ថិរភាពដែលអូសបន្លាយនេះ នឹងរារាំងរដ្ឋាភិបាលពីការផ្តល់ជំនួយផ្នែកសេដ្ឋកិច្ចសំខាន់ៗ នៅពេលដែលធុរកិច្ចនានាត្រូវការច្រើនបំផុត។     

ភាពជាប់គាំងផ្នែកនយោបាយកំពុងប៉ះពាល់ខ្លាំងដល់ពាណិជ្ជកម្មយ៉ាងលំបាករួចទៅហើយ។ ពាណិជ្ជកម្មឆ្លងព្រំដែនជាមួយកម្ពុជាបានធ្លាក់ចុះ១០% នៅឆ្នាំនេះ ដោយការនាំចេញខែកក្កដាធ្លាក់ចុះ ៩៧% មកត្រឹមតែ ៣៧០ លានបាត។ លោក Kriangkrai បានលើកឡើងថា ក្រុមសហគ្រិន ត្រូវការការគាំទ្រជាបន្ទាន់ ដូច្នេះយើងត្រូវការរដ្ឋាភិបាលច្បាស់លាស់ឲ្យបានឆាប់តាមដែលអាចធ្វើទៅបាន៕