មន្ត្រីជាន់ខ្ពស់លោក Mahmoud Qomati បាននិយាយថា ក្រុមហេសបូឡា បានព្រមានកាលពីថ្ងៃពុធថា ខ្លួនអាចប្រមូលអ្នកគាំទ្រ ដើម្បីធ្វើការតវ៉ាតាមដងផ្លូវ ប្រសិនបើរដ្ឋាភិបាលលីបង់ បន្តដំណើរការទៅមុខ ជាមួយនឹងការសម្រេចចិត្តដកអាវុធពីក្រុមគាំទ្រដោយអ៊ីរ៉ង់ នៅចុងឆ្នាំ ២០២៥នេះ។

លោក Qomati អនុប្រធានក្រុមប្រឹក្សានយោបាយរបស់ក្រុមហេសបូឡា បានប្រាប់ប្រព័ន្ធផ្សព្វផ្សាយក្នុងស្រុកថា ផែនការនេះ គឺ«មិនស្របតាមរដ្ឋធម្មនុញ្ញ មិនស្របច្បាប់ និងបំពានទាំងធម្មនុញ្ញជាតិ និងច្បាប់អន្តរជាតិ ដែលអនុញ្ញាតឲ្យមានការតស៊ូ ស្ថិតនៅក្រោមការគ្រប់គ្រង»។

លោកបាននិយាយថា ក្រុមហេសបូឡា និងសម្ព័ន្ធមិត្តរបស់ខ្លួន គឺចលនាអាម៉ាល នឹងធ្វើពហិការមិនចូលប្រជុំសភា ប្រសិនបើសមាជិកសភាបង្កើនវិធានការ ដើម្បីអនុវត្តវិធានការនេះ។ លោកបាននិយាយថា៖     «ប្រសិនបើយើងឃើញសម័យប្រជុំ ដើម្បីជំរុញឲ្យពង្រឹងការសម្រេចចិត្តទាំងនេះ និងដាក់ចេញនូវជំហានសម្រាប់ការអនុវត្ត យើងនឹងមិនចូលរួមទេ ហើយយើងនឹងបន្តការតស៊ូដ៏ពេញនិយមតទៅទៀត។

លោក Qomati បានបន្ថែមថា ក្រុមហេសបូឡា នឹងជៀងវាងពីការធ្វើឲ្យភាពតានតឹងកើនឡើង ប្រសិនបើការសម្រេចចិត្តទាំងនេះ «មិនកើតឡើង» និងមិនត្រូវបានអនុវត្តនោះ។

លោកបានព្រមានថា ការអនុវត្តសេចក្តីសម្រេចទាំងនេះ នឹងធ្វើឲ្យប្រទេសលីបង់មានអស្ថិរភាព។ លោកបានបន្តថា៖«អ្នកណាដែលស្វែងរកស្ថិរភាពអន្តរជាតិ ក្នុងតំបន់ ឬក្នុងស្រុក ត្រូវទទួលស្គាល់ថា ការអនុវត្តសេចក្តីសម្រេចចិត្តទាំងអស់ នឹងបង្កគ្រោះថ្នាក់ ហើយមិនបម្រើផលប្រយោជន៍នរណាម្នាក់ឡើយ»៕