ប្រធានពិធីការសេតវិមាន លោកស្រីឯកអគ្គរដ្ឋទូត Monica Crowley បាននិយាយនៅក្នុងបទសម្ភាសន៍ជាមួយទូរទស្សន៍ Fox Newsថា ប្រធានាធិបតីអាមេរិកលោក ដូណាល់ ត្រាំ ( Donald Trump) ព្យាយាមស្វែងរកផ្នែកខ្លះដែលមានផលប្រយោជន៍រួម នៅក្នុងវិស័យផ្សេងៗ ក្នុងអំឡុងពេលពិភាក្សាជាមួយមេដឹកនាំរុស្ស៊ីលោក វ្ល៉ាឌីមៀ ពូទីន (Vladimir Putin) 

បេសកកម្មរបស់មេដឹកនាំអាមេរិករូបនេះ ក្នុងអំឡុងពេលពិភាក្សាជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន និងប្រធានាធិបតីចិនលោក ស៊ី ជីនពីង «គឺតែងតែព្យាយាមស្វែងរកចំណុចរួមមួយចំនួនដូចជា យុទ្ធសាស្ត្រ ពាណិជ្ជកម្ម សេដ្ឋកិច្ច និងពាណិជ្ជកម្មប្រកបដោយភាពឆ្លាតវៃជាដើម»។

លោកស្រី Crowley បានកត់សម្គាល់ថា កិច្ចប្រជុំកំពូលរុស្ស៊ី-អាមេរិក នៅរដ្ឋអាឡាស្កា មានផលិតភាពដោយបន្ថែមថា «ដូចដែលលោកប្រធានាធិបតី ត្រាំ បាននិយាយថា លោករំពឹងថា ជម្លោះប្រហែលជាងាយស្រួលបំផុត ដើម្បីដោះស្រាយ ហើយវាត្រូវបានបង្ហាញថា ជាការលំបាកបំផុតទៅវិញ»៕