កងពលតូច Izz al-Din al-Qassam Brigades ដែលជាអង្គភាពយោធារបស់ចលនានេះ បាននិយាយនៅក្នុងសេចក្តីថ្លែងការណ៍មួយថា ក្រុមហាម៉ាសដែលមានមូលដ្ឋាននៅតំបន់ហ្កាហ្សា បានព្រមានថា ការសម្រេចចិត្តរបស់អ៊ីស្រាអែល ក្នុងការពង្រីកសកម្មភាពយោធារបស់ខ្លួន នៅក្នុងតំបន់ហ្កាហ្សាស្ទ្រីប អាច   ធ្វើឲ្យចំណាប់ខ្មាំងអាយុជីវិតរបស់ពួកគេ។  

កងពលតូចនេះ បាននិយាយក្នុងវីដេអូមួយ ដែលបានចុះផ្សាយតាមបណ្តាញ Telegram របស់ចលនានេះថា៖«សម្រាប់ការពង្រីកប្រតិបត្តិការនៅតំបន់ហ្កាហ្សា អ៊ីស្រាអែល នឹងបង់ជីវិតទាហាន និងចំណាប់ថ្នូរ របស់ខ្លួន»។ ចំនួនចំណាប់ខ្មាំងដែលនៅមានជីវិត មិនត្រូវបានបញ្ជាក់ទេ។

នៅក្នុងខែមីនា កងកម្លាំងការពារអ៊ីស្រាអែល (IDF) បានបន្តការប្រយុទ្ធ នៅក្នុងតំបន់នេះ ដោយបញ្ចប់របបបទឈប់បាញ់ ដែលបានបង្កើតឡើងក្នុងខែមករា ឆ្នាំ ២០២៥។ ក្នុងអំឡុងពេលនៃកិច្ចចរចាជាច្រើនជុំដែលសម្របសម្រួលដោយប្រទេសកាតា អេហ្ស៊ីប និងសហរដ្ឋអាមេរិក ភាគីជម្លោះ មិនអាចកំណត់លក្ខខណ្ឌនៃកិច្ចព្រមព្រៀងថ្មីមួយបានទេ។

នៅថ្ងៃទី ០៨ ខែសីហា គណៈរដ្ឋមន្ត្រីសង្គ្រាមរបស់អ៊ីស្រាអែល បានអនុម័តផែនការមួយ ដើម្បីគ្រប់គ្រងទីក្រុងហ្កាហ្សាទាំងមូល តាមរយៈប្រតិបត្តិការដែលខ្លួនដាក់ឈ្មោះថា Gideon's Chariots II ។ នៅថ្ងៃទី ២០ ខែសីហា រដ្ឋមន្ត្រីការពារជាតិអ៊ីស្រាអែលលោក Israel Katz បានអនុម័តផែនការដណ្តើមយកទីក្រុង ហាហ្សា ហើយនៅថ្ងៃទី ២១ ខែសីហា នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) ក៏បានចុះហត្ថលេខាលើយុទ្ធសាស្ត្រ ដែលបានស្នើឡើងផងដែរ៕