ប្រធានក្រុមប្រឹក្សាអឺរ៉ុបលោក Antonio Costa បាននិយាយនៅក្នុងសន្និសីទសារព័ត៌មានរួមគ្នា ជាមួយនាយករដ្ឋមន្ត្រីប៊ុលហ្គារីលោក Rossen Jeliazkov ថា លោកចាត់ទុកការពង្រីកសហភាពអឺរ៉ុប ជាការ វិនិយោគភូមិសាស្ត្រនយោបាយដ៏សំខាន់។

លោក Costa បាននិយាយថា៖«ការវិនិយោគភូមិសាស្ត្រនយោបាយដ៏សំខាន់ ដែលយើងត្រូវធ្វើ គឺការ វិនិយោគលើការពង្រីកសហភាពអឺរ៉ុប ដោយចាប់ផ្តើមពីអ៊ុយក្រែន និងម៉ុលដាវី ក៏ដូចជាតំបន់បាល់កង់ខាងលិច។ មិនមែនគ្រប់ប្រទេសទាំងអស់ កំពុងឆ្ពោះទៅរកសហភាពអឺរ៉ុប ក្នុងល្បឿនដូចគ្នានោះទេ ប៉ុន្តែសមាហរណកម្មរបស់ពួកគេទៅក្នុងសហភាពអឺរ៉ុប ត្រូវតែបន្ត»។  ផែនការនៃការពង្រីកសហភាពអឺរ៉ុប នឹងផ្តល់កម្លាំងរុញច្រានជាក់លាក់ និងការគាំទ្រផ្នែកហិរញ្ញវត្ថុដល់ប្រទេសទាំងនេះ។ យើងមិនគួរបាត់បង់កម្លាំងរុញច្រាននៃឱកាសនេះទេ។ ប្រទេសសហភាពអឺរ៉ុបទាំងអស់ គួរតែគាំទ្រការវិនយោគនេះ។

លោក Jeliazkov បាននិយាយថា ការធ្វើសមាហរណកម្មនៃតំបន់បាល់កង់ខាងលិច ទៅក្នុងសហភាពអឺរ៉ុប គឺជាអាទិភាពយុទ្ធសាស្ត្រដែល «ធានានូវកម្រិតសុវត្ថិភាព និងជម្រើសអភិវឌ្ឍន៍កាន់តែធំ»។

លោកបាននិយាយថា៖«ចំពោះម៉ាសេដូនីខាងជើង ជំហររបស់យើងនៅតែមិនផ្លាស់ប្តូរ។ មធ្យោបាយតែមួយគត់ឆ្ពោះទៅរកសមាជិកភាពសហភាពអឺរ៉ុប គឺត្រូវអនុវត្តកិច្ចព្រមព្រៀងខែកក្កដា ឆ្នាំ ២០២២ ដោយពុំចាំបាច់មានលទ្ធភាពពិនិត្យឡើងពួកវាទាំងនោះឡើងវិញទេ»៕