សម័យប្រជុំលើកទី៧៩ នៃមហាសន្និបាតអង្គការសហប្រជាជាតិ បានអនុម័តសេចក្តីសម្រេចមួយ ដោយសំឡេងគាំទ្រភាគច្រើនលើសលប់លើការពង្រឹងកិច្ចសហប្រតិបត្តិការរវាងអង្គការសហប្រជាជាតិ និងអង្គការសហប្រតិបត្តិការសៀងហៃ (SCO) កាលពីថ្ងៃសុក្រ។

សេចក្តីព្រាងសេចក្តីសម្រេចនេះ ត្រូវបានស្នើឡើងរួមគ្នាដោយប្រទេសចិន និងប្រទេសដទៃទៀត។

សេចក្តីសម្រេចនេះ ទទួលស្គាល់តួនាទីស្ថាបនារបស់អង្គការ SCO ក្នុងការធានាសន្តិភាព និងការអភិវឌ្ឍ ប្រកបដោយចីរភាព ជំរុញកិច្ចសហប្រតិបត្តិការក្នុងតំបន់ និងបង្កើនទំនាក់ទំនងអ្នកជិតខាងល្អ និងការជឿទុកចិត្តគ្នាទៅវិញទៅមក។

សេចក្តីសម្រេចក៏សង្កត់ធ្ងន់លើសារៈសំខាន់នៃការពង្រឹងកិច្ចសន្ទនា កិច្ចសហប្រតិបត្តិការ និងការសម្របសម្រួលរវាងប្រព័ន្ធអង្គការសហប្រជាជាតិ និង SCO៕