​បាល់ទាត់៖ ​អតីត​ខ្សែប្រយុទ្ធ Manchester City, Mario Balotelli ត្រូវបាន​កោះហៅ​ចូល​ក្រុម​ជំរើសជាតិ​អ៊ីតាលី​ជា​លើកដំបូងតាំងពី​ឆ្នាំ ២០១៨ ខណៈ​ក្រុម​ជើងឯក​អឺរ៉ុប​អ៊ីតាលី​ត្រៀម​ការប្រកួត Play-Off វគ្គ​ពាក់កណ្តាល​ផ្តាច់ព្រ័ត្រ​ដណ្តើម​កៅអី World Cup ២០២២ កាតា​។

​​កីឡាករ​វ័យ ៣១ឆ្នាំ​អតីត​ខ្សែប្រយុទ្ធ Liverpool រូបនេះ​មិនបាន​លេង​ឱ្យ​ក្រុម​ជំរើសជាតិ​តាំងពី​ខែកញ្ញា​ឆ្នាំ២០១៨​។ ​Mario Balotelli នៅ​ពេលនេះ​ស្ថិតក្នុង​បញ្ជី​កីឡាករ​ទាំង ៣៥នាក់​ដែល​ត្រូវ​បោះជំរំ​ហ្វឹកហាត់ ៣ថ្ងៃ​។ ​បច្ចុប្បន្ន Mario Balotelli កំពុង​ប្រកប​អាជីព​នៅ​ទឹកដី​ទួ​រ​គី​ក្លិប Adana Demirspor ស៊ុត​បញ្ចូល​ទី​បាន ៨គ្រាប់ ហើយ​ក្នុងការ​បង្ហាញខ្លួន ១៨ប្រកួត​ក្នុង​លី​គ​។ ​​Balotelli ធ្លាប់​បង្ហាញខ្លួន​សរុប​ឱ្យ​ក្រុម​ជំរើសជាតិ​អ៊ីតាលី ៣៦លើក​រកបាន ១៤គ្រាប់​តែ​តាំងពី World Cup ២០១៤ មក​បង្ហាញខ្លួន​បានតែ ៣លើក​ប៉ុណ្ណោះ​។ ​រំលឹកថា Balotelli ធ្លាប់​ធ្វើការ​ជាមួយ​គ្រូបង្វឹក​អ៊ីតាលី​បច្ចុប្បន្ន Roberto Mancini នៅពេល​លោក​ដឹកនាំ Manchester City និង Inter Milan​។ ​អ៊ីតាលី​នឹងត្រូវ​ជួប​ជាមួយ​ម៉ា​សេ​ដ្វា​ន់​ខាងជើង​នៅ​វគ្គ​ពាក់កណ្តាល​ផ្តាច់ព្រ័ត្រ Play-Off World Cup នៅ​ថ្ងៃទី២៤ ខែ​មិនា​៕

​អត្ថបទ​៖​នាង សុភា​វុ​ធ