ទីក្រុងនៅតំបន់ភាគកណ្តាលប្រទេសម៉ិកស៊ិក បន្តស្ថិតក្នុងការប្រុងប្រយ័ត្នខ្ពស់ ស្របពេលដែលទំនប់ Centenario នៅទីក្រុង Tequisquiapan ផ្ទុកទឹកលើសសមត្ថភាពអតិបរមារបស់វា ពេលដែលវាឈានដល់កម្រិត ១១៣ភាគរយ កាលពីថ្ងៃអាទិត្យ ។

រូបភាពពីលើអាកាសឃើញកម្រិតទឹកឡើងលើសកំណត់ បន្ទាប់ពីភ្លៀងធ្លាក់ខ្លាំង ជំរុញឲ្យទីក្រុងស្ថិតក្នុងដំណាក់កាលក្រហមនៃប្រព័ន្ធគ្រាអាសន្នទឹកភ្លៀង ។

ក្រុមអាជ្ញាធរចាប់ផ្តើមជម្លៀសអ្នកស្រុកចេញពីតំបន់ងាយរងគ្រោះខ្លាំងបំផុតដោយសារការជន់លិច ។

ទឹកហូរប្រៀបច្រាំងទំនប់បែបនេះ ត្រូវបានគេរំពឹងថា នឹងនាំឲ្យមានការជន់លិចដៃទន្លេជិតនោះ ។ ប្រជាពលរដ្ឋត្រូវបានគេជំរុញឲ្យតាមដានការជូនដំណឹងផ្លូវការពីអាជ្ញាធរជាតិ និងក្នុងស្រុក ក៏ដូចជាសហការណ៍ជាមួយសេវាកម្មសង្រ្គោះបន្ទាន់ និងការបញ្ជាឲ្យជម្លៀសខ្លួន ។ ពួកគេត្រូវត្រៀមខ្លួនផងដែរសម្រាប់ការជន់លិចដ៏មានសក្តានុពល និងតាមដានកម្រិតទឹកនៅតំបន់រស់នៅរបស់ពួកគេ ៕