តារាវិទូពេញចិត្តនឹងព្រះចន្ទក្រហម អំឡុងចន្ទគ្រាសពេញ ដែលអាចមើលឃើញនៅទូទាំងតំបន់អាស៊ី ក៏ដូចជាតំបន់ខ្លះទៀតនៅអឺរ៉ុប និងអាហ្វ្រិក ។

ពេលដែលព្រះអាទិត្យ ផែនដី និងព្រះចន្ទដើរទន្ទឹមគ្នា ស្រមោលជះដោយភពបង្កើតជាពណ៌ក្រហម គឺជាបាតុភូតមួយធ្វើឲ្យមនុស្សភ្ញាក់ផ្អើលអស់រយៈពេល ១សហស្សវត្សរ៍មកហើយ ។

ប្រជាពលរដ្ឋនៅអាស៊ី រួមទាំងនៅឥណ្ឌា និងចិន សប្បាយនឹងមើលឃើញចន្ទគ្រាសពេញ ដែលអាចមើលឃើញផងដែរនៅតំបន់ភាគខាងកើតអាហ្វ្រិក ក៏ដូចជាតំបន់ភាគខាងលិចអូស្រ្តាលី ។

ចន្ទគ្រាសពេញ បានចំណាយពេលចាប់ពីម៉ោង ១៧ និង ៣០នាក់ រហូតដល់ម៉ោង ១៨ និង ៥២នាទី ម៉ោងសកល ថ្ងៃអាទិត្យ ។

ក្រុមតារាវិទូនៅអឺរ៉ុប មានឱកាសមួយភ្លែតក្នុងការមើលឃើញចន្ទគ្រាសដោយផ្នែក ពេលដែលព្រះចន្ទ រះ អំឡុងពេលល្ងាច ប៉ុន្តែនៅអាមេរិក ពុំអាចមើលឃើញនោះទេ ។

លោក Ryan Milligan គឺជាតារាវិទូនៅសាកលវិទ្យាល័យ Queen’s Belfast អៀរឡង់ខាងជើង និយាយថា ព្រះចន្ទប្រែជាពណ៌ក្រហម អំឡុងពេលចន្ទគ្រាស ដោយសារពន្លឺព្រះអាទិត្យជះទៅដល់ចំណាំងផ្លាតរបស់វា ឆ្លងកាត់បរិយាកាសផែនដី ៕