រលកកម្តៅដ៏អាក្រក់នៅរដ្ឋ Arizona សហរដ្ឋអាមេរិក កំពុងធ្វើឲ្យរដូវក្តៅលែងអាចស៊ូទ្រាំបានតទៅទៀតហើយ សម្រាប់លោក Carlos McDonald ដែលជាបុរសគ្មានផ្ទះសម្បែងរស់នៅតាមដងផ្លូវនៅក្នុងទីក្រុង Phoenix ។

លោក McDonalនិយាយថា វាពិតជាក្តៅខ្លាំងណាស់ លោកបែកញើសស្អិតពេញខ្លួន ។ អ្នកផឹកទឹក អ្នកបែកញើសជោគពេញប្រាណ ។ អ្នកហត់អស់កម្លាំងខ្លាំងណាស់ កម្តៅអង្គុយលើអ្នកដូចទម្ងន់ជាង ២០គ.ក ធ្វើឲ្យអ្វីៗដែលអ្នកធ្វើកាន់តែពិបាកខ្លាំងបំផុត ។

ចំណែកឯស្រ្តីម្នាក់ទៀតដែលរស់នៅតាមចិញ្ចើមផ្លូវដូចជាលោក McDonalនិយាយដែរថា កម្តៅធ្វើឲ្យពួកយើងពិបាកស៊ូទ្រាំខ្លាំងណាស់ ក្នុងនាមជាមនុស្សគ្មានផ្ទះសម្បែងរស់នៅ ។ បើសិនជាអ្នកចេញក្រៅក្នុងស្ថានភាពក្តៅខ្លាំងបែបនេះ អ្នកមិនអាចទៅធ្វើការអ្វីបាននោះទេ ។

ក្រុមដែលជួយពួកគេ គឺជាក្រុមបេសកកម្មជួយសង្រ្គោះក្រុង Phoenix ដែលកាលពីពេលថ្មីនេះ សម្រេចបានគោលដៅរដូវក្តៅរបស់ខ្លួន ក្នុងការប្រមែលប្រមូល និងចែកចាយទឹកសុទ្ធ ១លានដប ដល់មនុស្សត្រូវការ ។

អ្នកស្រី Corrine Stewart គឺជាអ្នកចាត់ការក្រុមបេសកកម្មជួយសង្រ្គោះក្រុង Phoenix នៅផ្លូវ Outreach Case និយាយថា អ្នកអាចចម្អិនខ្លួនឯងនៅលើចិញ្ចើមផ្លូវដូចជាស៊ុតអញ្ចឹងដែរ ។ 

អ្នកស្រីបន្តថា មនុស្សដែលគ្មានទីជម្រក និងមានជំងឺផ្លូវចិត្ត ប្រឈមហានិភ័យខ្លាំងបំផុត ។ អ្នកស្រីមានមនុស្សដែលគាត់ធ្លាប់ធ្វើការជាមួយ អ្នកដែលទទួលរងការរលាកកម្រិតទី ៣ រស់នៅទីនេះនៅលើផ្លូវ ដេកលក់នៅលើចិញ្ចើមផ្លូវ វាពិតជាគ្រោះថ្នាក់ខ្លាំងណាស់ ។

អ្នកស្រី Stewart បញ្ជាក់ថា ទឹកត្រជាក់ដែលពួកយើងផ្តល់ឲ្យមនុស្ស វាអាចជួយសង្រ្គោះអាយុជីវិតរបស់ពួកគេបាន ។

ចាប់ពីខែមេសា រហូតដល់សប្តាហ៍ចុងក្រោយក្នុងខែសីហា ទិន្នន័យស្រុក Maricopបង្ហាញថា មាននូវមនុស្សស្លាប់ត្រូវបានបញ្ជាក់ចំនួន ៧៦នាក់ ដោយសារកម្តៅនៅក្នុងស្រុកមួយនេះ ក្នុងនោះ ករណីមនុស្សស្លាប់ជាង ៤២៣នាក់ទៀត កំពុងស្ថិតក្រោមការស៊ើបអង្កេត ។ 

សូមបញ្ជាក់ថា សីតុណ្ហភាពបានកើនឡើងរហូតដល់ ៤៧,៧អង្សាសេ ក្នុងរដូវក្តៅនេះ នៅរដ្ឋ Arizona ៕