បាល់ទាត់៖ ក្លិបភ្នំពេញក្រោនបានប្រកាសចុះកុងត្រានាំយកកីឡាករ កើត ពេជ្រ មករួមក្រុមនារដូវកាលថ្មីឆ្នាំ២០២២ ខាងមុខ បន្ទាប់ពីខ្សែប្រយុទ្ធវ័យក្មេងរូបនេះត្រូវបានសហព័ន្ធកីឡាបាល់ទាត់កម្ពុជា ប្រកាសរំសាយពីមជ្ឈមណ្ឌល និងសាលាបាល់ទាត់ជាតិបាទីកាលពីថ្មីៗ។
ក្រោយក្លាយជាសមាជិកក្រុមសិង្ហក្រហម កើត ពេជ្រ បានសម្ដែងការសប្បាយចិត្តជាខ្លាំង ដែលបានចូលរួមជាមួយក្រុមមួយដ៏ធំនៅកម្ពុជា សម្បូរដោយធនធានកីឡាករល្អ និងមានការប្រកួតប្រជែងខ្ពស់។ អ្វីដែលពិសេស ភ្នំពេញក្រោនក៏ជាក្លិបក្នុងស្រម៉ៃរបស់ខ្លួនដែលរូបគេចង់លេងតាំងពីក្មេងផងដែរ។ គួរដឹងថា កើត ពេជ្រ គឺជាកីឡាករដំបូងគេដែលរកបានទ្រនំដើម្បីបន្ដអាជីពបាល់ទាត់របស់ខ្លួន ក្នុងចំណោមយុវជន ៥នាក់ត្រូវបានសហព័ន្ធប្រកាសរំសាយពីសាលាបាល់ទាត់ជាតិបាទីកាលពីថ្មីៗ ខណៈកីឡាករ ៤រូបទៀតពុំទាន់មានក្លិបណានាំយកទៅរួមក្រុមនោះទេរួមមានកីឡាករ ហួត ដានីន, សៅ វឌ្ឍនា, យ៉ែម ពេជ្រមេសា និងកីឡាករ ផាត សុខា៕
អត្ថបទ៖ លី ឈុនឡា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
