ការវាយប្រហាររបស់អ៊ីស្រាអែលនៅរដ្ឋធានី Doha របស់ប្រទេសកាតា សំដៅទៅលើក្រុមមន្ត្រីក្រុមហាម៉ាស បានទាក់ទាញការថ្កោលទោសភ្លាមៗពីទូទាំងតំបន់ និងប្រទេសជាច្រើនលើពិភពលោក ដោយប្រមុខអង្គការសហប្រជាជាតិ លោក Antonio Guterres បានហៅថាជាការរំលោភអធិបតេយ្យភាព និងបូរណភាពទឹកដីរបស់ប្រទេសកាតា។

ក្រសួងការបរទេសកាតាបានថ្កោលទោស ដ៏ខ្លាំងបំផុតចំពោះការវាយប្រហាររបស់អ៊ីស្រាអែលដ៏កំសាកនៅក្នុងទឹកដីរបស់ខ្លួន។លោក Trump និយាយថា ការសម្រេចចិត្តវាយប្រហារលើកាតា ពីសំណាក់លោក Netanyahu មិនទាន់ទងនឹងសហរដ្ឋអាមេរិកឡើយ។ 

ក្រសួងការបរទេសអារ៉ាប៊ីសាអ៊ូឌីតនិយាយថា ប្រទេសនេះ ថ្កោលទោស និងរិះគន់ក្នុងលក្ខខណ្ឌដ៏ខ្លាំងក្លាបំផុតចំពោះការឈ្លានពានរបស់អ៊ីស្រាអែលដ៏ឃោរឃៅ និងការរំលោភអធិបតេយ្យភាពនៃរដ្ឋជាបងប្អូននៃប្រទេសកាតា ដោយបន្ថែមថាខ្លួនបញ្ជាក់ពីសាមគ្គីភាពពេញលេញ។ 

ក្រសួងការបរទេសទួគីបានថ្កោលទោសការវាយប្រហាររបស់អ៊ីស្រាអែលលើកាតាដោយនិយាយថាទង្វើនេះបង្ហាញថាអ៊ីស្រាអែលមិនចាប់អារម្មណ៍លើកិច្ចព្រមព្រៀងដើម្បីបញ្ចប់សង្គ្រាមនៅហ្កាហ្សាទេ។អេមីរ៉ាតអារ៉ាប់រួម ក៏បានសម្តែងការគាំទ្រចំពោះទីក្រុង Doha ផងដែរ ដោយថ្កោលទោសការវាយប្រហាររបស់អ៊ីស្រាអែលថាជាអំពើក្បត់ ។  

ប្រទេសគុយវ៉ែតបានចេញសេចក្តីថ្លែងការណ៍មួយតាមរយៈក្រសួងការបរទេសរបស់ខ្លួនថ្កោលទោសយ៉ាងខ្លាំងចំពោះអ្វីដែលខ្លួនបានហៅថាជាការឈ្លានពានដ៏ឃោរឃៅប្រឆាំងនឹងរដ្ឋកាតាដោយកងកម្លាំងអ៊ីស្រាអែលដ៏អយុត្តិធម៌។

មាននៅប្រជាជាច្រើនទៀត ដូចជា ហ្ស៊កដានី អ៊ីរ៉ង់ អ៊ីរ៉ាក ប៉ាឡេស្ទីន ក្រុមចលនាហ៊ួទីនៅយ៉េមែន ម៉ាល់ឌីវ អង់គ្លេស បារាំង ប៉ាគីស្ថាន លីបង់ ម៉ារ៉ុក ស៊ីរី ស៊ូដង់ អេហ្ស៊ីប ក្រុមប្រឹក្សាប្រតិបត្តិការឈូងសមុទ្រ អ៊ូម៉ង់ កាហ្សាក់ស្ថាន អេស្ប៉ាញ លីប៊ី អ៊ីតាលី អាល្លឺម៉ង់ និងសហភាពអឺរ៉ុបជាដើម៕