មនុស្សយ៉ាងហោចណាស់៣៥ នាក់ត្រូវបានសម្លាប់ បន្ទាប់ពីអ៊ីស្រាអែល បានបើកការវាយប្រហារតាមអាកាសនៅក្នុងរដ្ឋធានីសាណា (Sanaa) និងខេត្ត al-Jawf របស់យេម៉ែន មួយថ្ងៃបន្ទាប់ពីបានទម្លាក់គ្រាប់បែកដាក់គោលដៅលើមេដឹកនាំក្រុមហាម៉ាស នៅក្នុងរដ្ឋធានីដូហារបស់ប្រទេសកាតា។

ក្រសួងសុខាភិបាលនៃប្រទេសយេម៉ែន បាននិយាយកាលពីថ្ងៃពុធថាមនុស្ស១៣១នាក់ បានរងរបួស ក្នុងការឈ្លានពានរបស់អ៊ីស្រាអែលលើរដ្ឋធានី Sanaa និងខេត្ត al-Jawf ។ ក្រសួងនេះបានហៅតួលេខនេះថាជាចំនួនអ្នកស្លាប់បឋម ដោយព្រមានថាចំនួនអាចនឹងកើនឡើងស្របពេលដែលក្រុមជួយសង្គ្រោះបន្តស្វែងរកជនរងគ្រោះ។ 

ក្រសួងដដែលបាននិយាយថា ការវាយឆ្មក់បានវាយប្រហារទៅលើតំបន់ជនស៊ីវិល និងលំនៅឋាន រួមទាំងសង្កាត់ al-Tahrir របស់រដ្ឋធានី Sanaa ជាអគារវេជ្ជសាស្ត្រ ស្ថិតនៅផ្លូវលេខ ៦០នៅភាគនិរតីនៃរដ្ឋធានីនេះ និងបរិវេណរដ្ឋាភិបាលមួយ ក្នុងទីក្រុង al-Hazm នៃ ខេត្ត al-Jawf របស់រដ្ឋធានីនេះ។

យោងតាមទូរទស្សន៍ Al Masirah TV ដែលគ្រប់គ្រងដោយក្រុមចលនាហ៊ួទី បានឱ្យដឹងថា ការវាយឆ្មក់ជាច្រើនបានកំណត់គោលដៅលើទីតាំងវេជ្ជសាស្ត្រមួយសម្រាប់វិស័យសុខាភិបាលនៅភាគនិរតី រដ្ឋធានី Sanaa និងបរិវេណរដ្ឋាភិបាលក្នុងទីក្រុង al-Hazm ៕