អ្នកជំនាញក្នុងខ្សែច្រវាក់ផ្តត់ផ្គង់ ឡូជីស្ទីក មកពីបណ្តាប្រទេសជាច្រើន បាន​ពិភាក្សា​យ៉ាង​ផុល​ផុស​ លើបញ្ញាសិប្បនិម្មិត AI ដែលជាកាតាលីករកំពុងផ្លាស់ប្តូរខ្សែច្រវាក់ផ្គត់ផ្គង់ នៃប្រសិទ្ធភាព ភាព​វៃឆ្លាត និងភាពដែលអាចមើលឃើញបាន ខណៈដែល វិស័យ​ត្រូវ​បាន​ពិភព​លោក​កំពុង​ប្រើ​ប្រាស់​ជាយាន។

លោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូន និងខ្សែច្រវាក់ផ្គត់ផ្គង់នៅកម្ពុជា បាន​ដឹក​នាំ​ប្រតិភូទៅចូលរួមកិច្ច ប្រជុំក្រោមប្រធានបទ “កិច្ចសហការ ខ្សែច្រវាក់ផ្គត់ផ្គង់ និង​នវា​នុវត្ត​ន៍​អន្តរ​ជាតិ​ ២០២៥” រៀបចំដោយ៖ “ពិពណ៌អន្តរជាតិចិនលើក ទី២៥ សម្រាប់ពាណិជ្ជ​កម្ម និង​វិនិយោគ​” នៅថ្ងៃទី៩ និងថ្ងៃទី១០ ខែកញ្ញា ឆ្នាំ២០២៥ នៅទីក្រុងស្សាមែន ខេត្តហ្វូជៀន ប្រទេស​ចិន កិច្ចប្រជុំនេះ​លើកឡើងអំពីប្រព័ន្ទបច្ចេកវិទ្យាបញ្ញាសិប្បនិម្មិត AI គ្រប់គ្រងខ្សែច្រវាក់ផ្តត់ផ្គង់ ឡូជីស្ទីក និងបណ្តាឧស្សាហកម្មនៅលើ សកលលោក ក្នុងនោះក៏មាន​ការ​ចូលរួ​ម​ចែក​រំលែក​ពី​បណ្តា​ប្រទេស​ជាច្រើនផងដែរ។

ជុំវិញ AI នេះ គឺបានកំពុងផ្លាស់ប្តូរខ្សែច្រវាក់ផ្គត់ផ្គង់ ដោយណែនាំនូវកម្រិតនៃប្រសិទ្ធភាព ភាព​វៃឆ្លាត និងភាពអាចមើល ឃើញបានយ៉ាងពិតប្រាកដ ដែលមានសារៈសំខាន់ដូចជា៖ ការ​ព្យាករ​ណ៍ និងការធ្វើផែនការតម្រូវការ AI វិភាគទិន្នន័យការលក់ ដំណើរទីផ្សារ ក្នុងបណ្តាញសង្គម ព្យាករណ៍​តម្រូវការនាពេលអនាគត ដោយមានភាពត្រឹមត្រូវខ្ពស់ ការជួយការពារ​ការ​ផ្ទុក​ផលិត​ផល​ច្រើនពេក ឬអស់ពីស្តុកជាដើម។ សម្រាប់ឃ្លាំងស្វ័យប្រវត្តិ, AI អាចជ្រើសរើសរៀបចំ និង​ដឹក​ជញ្ជូន​ទំនិញ​បានលឿន និងត្រឹមត្រូវ ជាងមនុស្សធម្មតាពេញ ២៤ ម៉ោង ប្រព័ន្ធកម្មវិធី​មើល​ឃើញ​ច្បាស់​ ការគ្រប់គ្រងស្តុកទំនិញបានតាមពេលវេលាពិត។ ចំណែកភាព វៃឆ្លាតនៃឡូជីស្ទិក (Smart Logistics) និងការធ្វើឱ្យអប្បបរមាផ្លូវដឹកជញ្ជូន AI គណនា​ផ្លូវ​ដឹក​ជញ្ជូន​ដែល​មាន​ប្រសិទ្ធ​ភាព​ខ្ពស់បំផុត ដោយវិភាគពីចរាចរណ៍ អាកាសធាតុ តម្លៃសាំង និងពេលវេលាចែកជូន ការ​ជួយ​បន្ថយតម្លៃដឹកជញ្ជូន និងពេលវេលា រួមទាំង អត្ថប្រយោជន៍ និងប្រសិទ្ធិភាព​ក្នុង​វិស័យ​ផ្សេង​ទៀតៗ​នៃបច្ចេកវិទ្យាប្រព័ន្ធAI ។

ក្នុងកិច្ចប្រជុំនោះ, លោក ជាចាន់ដារ៉ា ប្រធាន​សមាគម​ពាណិជ្ជករ​ដឹកជញ្ជូន​ និង​ខ្សែច្រ​វាក់​ផ្តត់​នៅ​កម្ពុជា​ ក៏បានជួបពិភាក្សា ជាមួយម្ចាស់ឧស្សាហកម្មជាច្រើននៅប្រទេសចិន និងបណ្តាប្រ​ទេសផ្សេ​ង​ទៀត និងបានរំលេចអំពីសក្តានុពលរបស់ព្រះរាជាណាចក្រ កម្ពុជារួមមាន៖ ស្ថិរភាព​នយោបាយ, ស្ថានភាពម៉ាក្រូសេដ្ឋកិច្ចដែលមានលំនឹង, កម្លាំង​ពលកម្ម​វ័យ​ក្មេងប្រ​កប​ដោយ​ថាម​វន្ត, រាជរដ្ឋាភិបាលដែលមានទំនោរគាំទ្រ ដល់ការរីកលូតលាស់នៃធុរកិច្ចឯកជន, រប​បវិ​និយោគ​ដែល​មាន​ភាពទាក់ទាញ និងអនុគ្រោះ ព្រមទាំងហេដ្ឋារចនាសម្ព័ន្ធអន្តរមធ្យោបាយ ដែលបាន​និង​កំពុង​អភិវ​ឌ្ឍឱ្យកាន់តែមានភាពតភ្ជាប់ និងប្រទាក់ក្រឡា។ លោកក៏បាន អញ្ជើញប្រតិភូ​បណ្តា​ប្រទេស​ផ្សេងៗ មកធ្វើទស្សកិច្ចនៅកម្ពុជា ដើម្បីឆ្វេងយល់ ក៏ដូចជាឱកាសធ្វើពាណិជ្ជកម្ម និងវិនិយោគផងដែរ។

សូមបញ្ជាក់ថា ពិពណ៌អន្តរជាតិចិនលើកទី២៥ សម្រាប់ពាណិជ្ជកម្មនិងវិនិយោគ សម្រា​ប់​ពាណិជ្ជ​កម្ម និងការវិនិយោគ (CIFIT) នេះ គឺជាកម្មវិធីធំប្រចាំប្រទេសចិន ក្នុងនោះសម្រាប់កម្ពុជា ក៏មាន​ការអញ្ជើញចូលរួមក្នុងការបើកសម្ពោធជាផ្លូវការ ឯកឧត្តម ស៊ុន ចាន់ថុល ឧបនាយក​រដ្ឋ​មន្រ្តី​ អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងមានអ្នកចូលរួមទស្សនាមកពីបណ្តាខេត្ត-ក្រុងផ្សេងៗក្នុងប្រទេសចិន និងបណ្តារប្រទេសផ្សេងទៀតជាច្រើន៕ អត្ថបទ៖ សុន រ៉ាឌី