រជ្ជទាយាទអារ៉ាប៊ីសាអ៊ូឌីតព្រះអង្គម្ចាស់ Mohammed bin Salman បានមានព្រះបន្ទូលថា រាជាណាចក្ររបស់ព្រះអង្គ សូមធ្វើការច្រានចោល និងថ្កោលទោសការវាយប្រហាររបស់អ៊ីស្រាអែលនៅក្នុងតំបន់ គឺការវាយប្រហារចុងក្រោយគេកាលពីថ្ងៃអង្គារលើទីក្រុង Doha ។

ព្រះអង្គមានបន្ទូលនៅក្នុងសុន្ទរកថាលើកញ្ចក់ទូរទស្សន៍ថា ការឈ្លានពានដ៏ឃោឃៅប្រឆាំងរដ្ឋបងប្អូនកាតា ត្រូវការវិធានការរបស់អារ៉ាប់ អ៊ិស្លាម និងសហគមន៍អន្តរជាតិ ។

ព្រះអង្គម្ចាស់ Mohammed មានព្រះបន្ទូលទៀតថា ពួកទ្រង់សូមធ្វើការច្រានចោល និងថ្កោលទោសការឈ្លានពានក្នុងតំបន់រដ្ឋរបស់អាជ្ញាធរអ៊ីស្រាអែល ដែលជាការវាយប្រហារដ៏ឃោឃៅកាលពីពេលថ្មីៗនេះលើរដ្ឋបងប្អូនកាតា ។ ការវាយប្រហារនេះ ត្រូវការការឆ្លើយតបពីអារ៉ាប់ អ៊ិស្លាម និងសហគមន៍អន្តរជាតិ ដើម្បីប្រឈមនឹងការឈ្លានពានបែបនេះ និងចាត់វិធានការអន្តរជាតិ ដើម្បីបញ្ឈប់អំណាចកាន់កាប់ និងរារាំងសកម្មភាពឧក្រិដ្ឋកម្មរបស់ពួកគេ ដែលមានគោលបំណងធ្វើឲ្យអស្ថិរភាពដល់សន្តិភាព និងស្ថិរភាពក្នុងតំបន់ ។

ព្រះអង្គមានបន្ទូលថា ពួកទ្រង់ឈរខាងរដ្ឋកាតាយ៉ាងពេញទំនិញ មិនថាវិធានការបែបណាពួកគេធ្វើនោះទ ដោយគ្មានលក្ខខណ្ឌ ហើយពួកទ្រង់នឹងលះបង់គ្រប់សមត្ថភាព ដើម្បីបុព្វហេតុមួយនេះ ៕