យោធារបស់ប្រទេសចិនបាននិយាយនៅថ្ងៃអាទិត្យ ១៤ កញ្ញានេះ ថាខ្លួនបានល្បាតជាទម្លាប់នៅក្នុងសមុទ្រចិនខាងត្បូង ហើយបានព្រមានហ្វីលីពីនប្រឆាំងនឹងការបង្កហេតុណាមួយ។

ប្រទេសទាំងពីរ បានការប្រឈមដាក់គ្នាក្នុងដែនសមុទ្រដ៏យូរអង្វែងនៅក្នុងផ្លូវទឹកយុទ្ធសាស្ត្រ ដែលរួមមានការប៉ះទង្គិចគ្នាជាទៀងទាត់រវាងនាវាការពារឆ្នេរ និងសមយុទ្ធកងទ័ពជើងទឹកធំៗជាច្រើន។

អ្នកនាំពាក្យនៃបញ្ជាការភូមិភាគខាងត្បូងរបស់យោធាចិន បាននិយាយថា ហ្វីលីពីនត្រូវតែបញ្ឈប់ជាបន្ទាន់នូវឧបទ្ទវហេតុបង្កហេតុ និងការកើនឡើងភាពតានតឹង នៅក្នុងសមុទ្រចិនខាងត្បូង។ 

អ្នកនាំពាក្យរូបនេះបាននិយាយថា យើងព្រមានយ៉ាងម៉ឺងម៉ាត់ដល់ភាគីហ្វីលីពីនឱ្យបញ្ឈប់ជាបន្ទាន់នូវឧបទ្ទវហេតុបង្កហេតុនានា និងការកើនឡើងភាពតានតឹងនៅក្នុងសមុទ្រចិនខាងត្បូង ក៏ដូចជាការនាំយកកម្លាំងខាងក្រៅសម្រាប់គាំទ្រដល់កិច្ចខិតខំប្រឹងប្រែងបែបនេះ ដែលត្រូវបានកំណត់ថាគ្មានប្រយោជន៍។

ក្រុមប្រឹក្សាដែនសមុទ្រ និងកងកម្លាំងប្រដាប់អាវុធរបស់ប្រទេសហ្វីលីពីន ពុំបានឆ្លើយតបភ្លាមៗចំពោះសំណួរក្រៅម៉ោងធ្វើការនោះទេ ខណៈស្ថានទូតហ្វីលីពីនប្រចាំនៅទីក្រុងប៉េកាំង មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ៕