បាល់ទាត់៖ ការប្រកួតបាល់ទាត់ដណ្ដើមពានរង្វាន់សម្ដេចតេជោ ហ៊ុន សែន លើកទី១៦ ឆ្នាំ២០២២ សម្រាប់ពានថ្នាក់ខេត្តគឺបានបែងចែកពូលប្រកួតរួចរាល់ហើយដោយចែកចេញជា ៤ពូល ខណៈភាគច្រើនក្នុងមួយពូលមាន ៤ក្រុមលើកលែងតែពូល A ប៉ុណ្ពោះដែលមាន ៥ក្រុម។
សម្រាប់បេក្ខភាពក្នុងពូល A រួមមានខេត្តកែប ក្រុមកំពតអេហ្វស៊ី ខេត្តព្រះសីហនុ ក្លិបបាល់ទាត់មន្ទីរឧស្សាហរកម្មខេត្តតាកែវ និងក្រុមន្ទីរអប់រំ យុវជន និងកីឡាខេត្តកំពង់ស្ពឺ។ រីឯពូល B មានក្រុមភ្នំពេញហ្គាឡាក់ស៊ី ខេត្តកណ្ដាល ខេត្តកំពង់ចាម និងខេត្តស្វាយរៀង។ ចំណែកពូល C មាន ៤ក្រុមដូចគ្នារួមមក្លិបបាល់ទាត់ឬទ្ធីសែន ក្រុមបាត់ដំបងអេហ្វស៊ី, ក្រុមសូហ្វីលយ៉ាប៉ៃលិន និងខេត្តឧត្ដរមានជ័យ។ រីឯ D មានខេត្តកំពង់ធំ ខេត្តព្រះសីហនុ ខេត្តមណ្ឌលគិរីវង់ និងខេត្តអធិរាជដំរីឦសាន្ដ។ សម្រាប់ការប្រកួតពានរង្វាន់សម្ដេចតេជោ-ថ្នាក់ខេត្តដែលមានបេក្ខភាពចូលរួមចំនួន ១៧ក្រុមនេះគ្រោងនឹងចាប់ផ្ដើមការប្រកួតនាថ្ងៃទី០៨ ខែកុម្ភៈឆាប់ៗខាងមុខដើម្បីចម្រាញ់ក្រុមខ្លាំងឡើងទៅវគ្គបន្ដ ពិសេសដើម្បីមានឱកាសចូលរួមពានរង្វាន់សម្ដេចតេជោ-ថ្នាក់ជាតិជាមួយក្រុមខ្លាំងនៃក្របខណ្ឌលីគកំពូលកម្ពុជាតែម្ដង។
គួរដឹងថា ពានសម្ដេចតេជោ ហ៊ុន សែន ឆ្នាំនេះបែងចែកការប្រកួតជា ៣ដំណាក់កាល ទី១-ពានថ្នាក់ខេត្តដែលគ្រោងប្រកួតពីថ្ងៃទី០៨ ខែកុម្ភៈរហូតដល់ថ្ងៃទី១១ ខែមិថុនា ឆ្នាំ២០២២។ រីឯដំណាក់កាលទី២ គឺវគ្គជម្រុះពានថ្នាក់ជាតិដែលត្រូវចាប់ផ្ដើមការប្រកួតពីថ្ងៃទី២១ ខែមិថុនា និងដំណាក់កាលទី៣ គឺការប្រកួតពានថ្នាក់ជាតិចាប់ពីថ្ងៃទី២០ ខែកក្កដា ឆ្នាំ២០២២ តទៅ៕
អត្ថបទ៖ លី ឈុនឡា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
