អគ្គិភ័យបានឆេះបំផ្លាញលំនៅឋានប្រជាជនជាង១.១០០គ្រួសារនៅក្នុងតំបន់លំនៅឋានមួយកន្លែងក្នុងតំបន់ Tondo ទីក្រុងម៉ានីល ប្រទេសហ្វីលីពីន ដោយបានជម្លៀសប្រជាជនជាងមួយពាន់គ្រួសារ។ អគ្គិភ័យបានចាប់ផ្តើមនៅម៉ោង ៨យប់ម៉ោងនៅទីក្រុងម៉ានីល ហើយបានឆេះរាលដាលយ៉ាងឆាប់រហ័សឆ្លងកាត់តំបន់លំនៅឋានរាប់សិបខ្នង។

វីដេអូថតដោយយានដ្រូន បានបង្ហាញរថយន្តពន្លត់អគ្គិភ័យជាច្រើនគ្រឿងកំពុងបាញ់ទឹកទៅលើលំនៅឋានដែលកំពុងឆេះខណៈអង្គភាពបង្ការអគ្គិភ័យនិងក្រុមពន្លត់អគ្គិភ័យស្ម័គ្រចិត្ត បានធ្វើការច្រើនម៉ោងពេញមួយយប់រហូតដល់ភ្លើង ដោយក្រោយមកត្រូវបានប្រកាសថាអគ្គិភ័យស្ថិតនៅក្រោមការគ្រប់គ្រង ទាំងស្រុងនៅពេលព្រឹកបន្ទាប់។

ប្រជាជនជាង១.១០០គ្រួសារបានបាត់បង់លំនៅឋានរបស់ពួកគេ ហើយត្រូវបានផ្តល់កន្លែងស្នាក់នៅបណ្តោះអាសន្ននៅតាមសាលារៀនក្នុងតំបន់ខណៈការិយាល័យរដ្ឋាភិបាលក្នុងតំបន់សម្របសម្រួលកិច្ចខិតខំប្រឹងប្រែងសង្គ្រោះ។ យោងតាមអង្គភាពបង្ការអគ្គិភ័យ(BFP)បានឲ្យដឹងថា គ្មានអ្នកស្លាប់ឬរងរបួសត្រូវបានរាយការណ៍ក្នុងពេលមានអគ្គិភ័យនេះទេ។

ប្រទេសហ្វីលីពីន មានកំណត់ត្រាមិនច្បាស់លាស់ក្នុងការពង្រឹងសុវត្ថិភាពអគ្គិភ័យនៅក្នុងអគារ លំនៅឋាន និងការិយាល័យ។ កាលពីខែសីហា មនុស្ស១១នាក់បានស្លាប់ បន្ទាប់ពីអគាលំនៅឋានកម្ពស់៥ជាន់ត្រូវបានភ្លើងឆេះនៅ Chinatown ទីក្រុងម៉ានីល។