ភ្នំពេញ ៖ នៅព្រឹកថ្ងៃទី១៥ ខែកញ្ញា ឆ្នាំ២០២៥ នាស្នងការដ្ឋាននគរបាលរាជធានីភ្នំពេញ បានរៀបចំស្វាគមន៍ទទួលការអញ្ចើញមកបំពេញទស្សនកិច្ចរបស់ឯកឧត្តម TAN XUXIANG លេខាធិការកិច្ចការនយោបាយ និងច្បាប់ នៃគណៈកម្មាធិការទីក្រុងប៉េកាំង និងប្រតិភូអមដំណើរ ដើម្បីពិភាក្សាការងារអំពីកិច្ចសហប្រតិបត្តិការរវាងទីក្រុងប៉េកាំង និងស្នងការដ្ឋាននគរបាលរាជធានីភ្នំពេញ ។ 

ជំនួបនេះ ធ្វើឡើងដោយទទួលបានការអនុញ្ញាតដ៏ខ្ពង់ខ្ពស់ ពីឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ ក្រោមវត្តមានទទួលស្វាគមន៍ និងជួបពិភាក្សា ដោយឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបលជាតិ និងជាស្នងការនគរបាលរាជធានីភ្នំពេញ ។ 

កិច្ចពិភាក្សាការងារ គឺផ្តោតសំខាន់ លើការបង្កើននូវទំនាក់ទំនងកាន់តែរឹងមាំ និងកិច្ចសហការល្អដើម្បីចែករំលែក និងផ្លាស់ប្តូរបទពិសោធន៍ការងាររវាងគ្នាទៅវិញទៅមក ជាពិសេស លើការងារកិច្ចប្រតិបត្តិការ បង្កាទប់ស្កាត់ និងបង្រ្កាបបទល្មើសជួញដូរមនុស្សឆ្លងដែនខុសច្បាប់ , បទល្មើសគ្រឿងញៀន , អំពើភេរវកម្ម និងបទល្មើសឆបោកតាមអនឡាញខុសច្បាប់ ដើម្បីពង្រឹងការងារសន្តិសុខ រក្សាសណ្តាប់ធ្នាប់សាធារណៈរវាងទីក្រុងប៉េកាំង និងរាជធានីភ្នំពេញ ៕

អត្ដបទ៖ កុម្ភៈ