ភ្នំពេញ ៖ ជំនួយឧបត្ថម្ភម៉ូតូចំនួន០២គ្រឿង របស់លោកជំទាវលីម ដារ៉ែន ជួន ណារិន្ទ ត្រូវបានបន្តផ្តល់បន្ថែមទៅកាន់វរសេនាតូចអន្តរាគមន៍លេខ៣៧៤ ចំណុះកងពលតូចអន្តរាគមន៍លេខ៧ ឈរជើងទិសភ្នំខ្មោច ខេត្តព្រះវិហារ និងវរសេនាតូចអន្តរាគមន៍លេខ៨ ចំណុះកងពលធំអន្តរាគមន៍លេខ៣ ឈរជើងទិសទី១ ប្រសាទព្រះវិហារ ។ 

ជំនួយឧបត្ថម្ភជាម៉ូតូទាំង០២គ្រឿងខាងលើ ត្រូវបានប្រគល់ជូនទៅដល់កងអង្គភាពទាំង០២ខាងលើរួចរាល់ហើយ តាមរយះឯកឧត្តម ឃ្លាំង ហួត អភិបាលរង នៃគណះអភិបាលរាជធានីភ្នំពេញ ។ 

លោកជំទាវលីម ដារ៉ែន ជួន ណារិន្ទ ក៏សូមសម្តែងនូវទឹកចិត្តនឹករលឹក និងផ្ញើរក្តីស្រលាញ់ជ្រាលជ្រៅបំផុតចំពោះស្មារតីទទួលខុសត្រូវខ្ពស់ ក្នុងបុព្វហេតុការពារទឹកដីរបស់កងកម្លាំងទាំងអស់ នៅតាមបន្ទាត់ព្រំដែន ។ ត្បិតលោកជំទាវ និងក្រុមគ្រួសារ មិនបានចូលរួមជាមួយសកម្មភាពពិតនៅក្នុងសមរភូមិមុខក៏ពិតមែន ក៏ប៉ុន្តែក្នុងនាមជាអ្នកឈរជួរក្រោយ គឺនៅចាំផ្តល់ជាជំនួយនានាជានិច្ចទៅតាមលទ្ធភាព ពិសេសការនៅពីចម្ងាយចាំគាំទ្រ និងលើកទឹកចិត្តឥតងាករេចំពោះ វីរភាពអង់អាចហានក្លារបស់កងកម្លាំងការពារព្រំដែនទាំងអស់ មិនថាជាវីរកងនគរបាលជាតិ ឬយោធានោះឡើយ ។ 

គូរបញ្ជាក់ថា កន្លងទៅលោកជំទាវ លីម ដារ៉ែន ជួន ណារិន្ទ តែងតែបានផ្តល់ជំនួយឧបត្ថម្ភជាបន្តបន្ទាប់ មានម៉ូតូជាច្រើនគ្រឿង និងសម្ភារៈមួយចំនួនធំ ទៅកាន់ វីរកងនគរបាល និងកងទ័ព ប្រចាំ ទិសខេត្តព្រះវិហារ ៕ លីហេង