ការតវ៉ាដ៏ហិង្សាបំផុតមិនធ្លាប់មានរបស់ប្រទេសនេប៉ាល់ក្នុងរយៈពេលជាច្រើនទស្សវត្សរ៍បានផ្ទុះឡើង ខណៈប្រទេសនេះឈានចូលដល់រដូវទេសចរណ៍ដ៏សំខាន់របស់ខ្លួន ដោយបានធ្វើឱ្យប៉ះទង្គិចដល់អាជីវកម្មដែលបាននិងកំពុងត្រៀមស្វាគមន៍អ្នកដើរលេងកម្សាន្តមកពីជុំវិញពិភពលោកដើម្បីទទួលយកបទបទពិសោធន៍តាមតំបន់ភ្នំដ៏ល្បីល្បាញលើពិភពលោករបស់ខ្លួន។

ហាងទំនិញ ហាងស្រា និងភោជនីយដ្ឋាន តម្រង់ជួរតាមដងផ្លូវដែលមានការរៀបចំយ៉ាងស្អាត ដូចជា តំបន់ប្រពៃណី Thamel ដែលជាមជ្ឈមណ្ឌលទេសចរណ៍ដ៏មមាញឹករបស់រដ្ឋធានី Kathmandu នៅតែស្ងប់ស្ងាត់ សូម្បីតែបន្ទាប់ពីបានបើកឡើងវិញក្រោយការតវ៉ាប្រឆាំងអំពើពុករលួយដ៏កក្រើកដែលបានសម្លាប់មនុស្សចំនួន ៧២ នាក់ និងរបួសជាង ២.០០០ នាក់ និងបង្ខំឲ្យអតីតនាយករដ្ឋមន្ត្រី Sharma Oli លាលែងពីតំណែង។អាជ្ញាធរទេសចរណ៍ ម្ចាស់សណ្ឋាគារ និងក្រុមហ៊ុនរៀបចំដំណើរកម្សាន្តរបស់ប្រទេសនេប៉ាល់ បាននិយាយថា ការមកដល់បានធ្លាក់ចុះ ៣០% ពេលវេលាដូចគ្នានេះ កាលពីឆ្នាំមុន ដែលនាំឱ្យការកក់នានាត្រូវបានលុបចោល។  

លោក Ram Chandra Giri អាយុ ៤៩ ឆ្នាំដែលរៀបចំដំណើរកម្សាន្ត និងជាម្ចាស់ភោជនីយដ្ឋានជប៉ុនបាននិយាយថា លោកកំពុងអង្គុយនៅខាងក្រៅដោយទំនេរព្រោះគ្មានអ្នកទេសចរ មកដើរលេងទេ ហើយក្រុមជាច្រើនបានលុបចោលនៅក្នុងខែកញ្ញានេះ ។

លោកបាននិយាយថា ភ្ញៀវរបស់លោកចំនួន ៣៥% បានលុបចោលការកក់របស់ពួកគេ។

លោក Renu Baniya ម្ចាស់សណ្ឋាគារមួយកន្លែង បាននិយាយថាការកក់ទាំងអស់ត្រូវបានលុបចោលទាំងស្រុងសម្រាប់ខែបន្ទាប់។

អ្នកទេសចរមកពីប្រទេសដូចជាឥណ្ឌា សហរដ្ឋអាមេរិក ចិន ចក្រភពអង់គ្លេស អាល្លឺម៉ង់ និងជប៉ុន ចាប់ផ្តើមបេសកកម្មរបស់ពួកគេពីរដ្ឋធានី ប៉ុន្តែរូបភាពដ៏គួរឱ្យភ្ញាក់ផ្អើលកាលពីថ្ងៃអង្គារនៃការដុតអគារសំខាន់ៗរួមទាំងសភា និងសណ្ឋាគារហ៊ីលតុន បាននាំឱ្យប្រទេសជាច្រើនចេញសេចក្តីណែនាំឲ្យជៀសវាងការធ្វើដំណើរដែលមិនសំខាន់ទៅកាន់ប្រទេសនេប៉ាល់ ។