ទឹកជំនន់ដ៏គំហុកបង្កឡើងដោយព្យុះភ្លៀងនៅក្នុងរដ្ឋ Uttarakhand តំបន់ភ្នំហិម៉ាឡៃ ប្រទេសឥណ្ឌានៅថ្ងៃអង្គារ ទី១៦ ខែកញ្ញានេះ បានបោកបក់លើភូមិនិងផ្សារជាច្រើនកន្លែង បណ្តាលឱ្យមានការបំផ្លិចបំផ្លាញយ៉ាងមហន្តរាយ។

រដ្ឋUttarakhand ងាយនឹងមានគ្រោះទឹកជំនន់និងបំណាក់ដី ដែលអ្នកជំនាញមួយចំនួនបានបន្ទោសលើបម្រែបម្រួលអាកាសធាតុ។ ការធ្វើដំណើរថ្មើជើងក៏ត្រូវបានរំខានផងដែរខណៈផ្លូវហាយវ៉េបានលិចទឹកនៅភាគខាងជើងក្រុង Rishikesh ។ ក្រុមអ្នកជួយសង្គ្រោះត្រូវបានគេមើលឃើញ កំពុងជម្លៀសអ្នកស្រុកដែលជាប់ខ្លួនក្នុងទឹកជំនន់។

អ្នកស្រុកម្នាក់បាននិយាយថា «យ៉ាងហោចណាស់ហាងចំនួនប្រាំពីរកន្លែងត្រូវបានទឹកហូនាំរបស់របរ នៅក្នុងទីក្រុង Dehradun។

ឧបទ្ទវហេតុនេះ កើតឡើងប៉ុន្មានសប្តាហ៍បន្ទាប់ពីទឹកជន់លិចខ្លាំង និងដីល្បប់ហូរឆ្លងកាត់ភូមិ Dharali ក្នុងរដ្ឋ Uttarakhand ភាគខាងជើងប្រទេសឥណ្ឌា ដោយបានបណ្តាលឲ្យមនុស្សយ៉ាងហោចណាស់៤នាក់ស្លាប់ និង៥០នាក់ផ្សេងទៀតបាត់ខ្លួន។